Lookilera’n 1:18 - Nouveau Testament en Gulay 2004

¹⁸ Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 1:18 ပူးပေါင်းရင်းမြစ်များ

Matthieu 11:23

Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Matthieu 16:19

M’a m’adi tɔgmong kɔr tà rebe Konɓee ke danrán. Nyan ke i ɔge ra dè nang nè nga ɓaa, d’a d’ɔge ra danrán tɔ. Nyan ke i inye loo ade dé ra dè nang nè nga, d’a d’inye loo kade dé ra danrán tɔ.

Tà ke Maje ke Luc ndang 24:5

Ɓel unde dinyege nè ndàt gang de ade ulei dè de nang. Doo ke danránge joo ke Nube ule de nga deji de edi nè: – I sangi njèndi kumgajer dann njé ke koo’t lé.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Nje Ke Rome 6:9

Krist ke d’ade unde loo tee dann njé koo’t nga, jè geri mbak titeke à tel kwei ndan lé ta, tede yo ase konɓee dènn’t ndan lé a tɔ.

2 Nje Ke Corinthe 13:4

Kerɔte kuwe, Krist nga dé ɓer’n kàde kage-ke-dese’t tede tɔg goto le’n. Nè né è bè géa, è tel ndikumgajer takul tɔgmong le Nube. Jè géa, jè njéyaige tite’n tede kum ke j’um se’n nan’t bɔk. J’à tel ndikumgajer se Krist takul tɔgmong le Nube titeke sei kuwe an-in ɗarinè.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Colosses 3:3

Kerɔte kuwe, sei weii ɓá, ndikumgajer le si nga ɓɔyɔ ra’n sɔk-sɔk ra Nube’t takul kum ke umi bɔk nan’t se Krist.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 7:16

Njèkuje nyan-mese ke rang ke d’ɔr’n d’unde’n nè nga è se go ndukunnge le girkà dooge lé, nè è se go tɔgmong le njèndi kumgajer sár se non.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

Lookilera’n 10:6

E mann ra’n se ri ke njèndi kumgajer se non, ke njèkunde danran se nang, se ba-bò kate a, se nyange malang ke tooi tutu a tɔ. Doo ke danrán nè nga tam ndàt ede nè: «Ase nan’t lé ta.

Lookilera’n 15:7

Nyankundege ke sɔ nè nga, è ke karé dann de’t ade dooge ke danrán ke ji sejimute bai nyankuje-mesege ji sejimute ke ra se nar-ɔr. Wong le Nube ke Njèndi kumgajer sár se non nga rusu kem̂ baige nè nga neĵ-neĵ.

Lookilera’n 2:8

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Smyrne. E ke kété desêin se è ke ngeinn’t, è wei kété ɓita tel ndi kumgajer nga tam ede nè:

Lookilera’n 20:13

Njé ke koo ke ndɔ ke rai ɓee dann ba-bò kate’t nga, ba-bò kate ree se de ɓuku de nata. Njé ke koo ke ndii se yo ɓee le yo nga géa, yo se ɓee le yo reei se de ɓuki de nata a tɔ. Nanan géa dé gangtà dènn’t se go kule ra’n, ra’n.

Lookilera’n 20:14

Yo se ɓee le yo nga, dé tile de patak-patak dann por ke laa tong-tong’t. Yo ke njèkon’t joo nga, è por ke laa tong-tong.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè:

Lookilera’n 4:9

E ke njè ndi dè kutu-ngar’t se lo’n-lo’n sár se non nga, dange ke sɔ nè ulei ndubra se riɓar dènn’t a, rai nin oiyo a tɔ.

Lookilera’n 5:14

Nyankundege ke sɔ nè nga tami edi nè: «Oiyo, maje kade è titeke bè kuwe.» Ngatɔgege ɔsi keje de nang ɗɔyi Ngonn bate.

Lookilera’n 6:8

An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.

Lookilera’n 9:1

Loo ke doo ke danrán ke njèkon madennge’t mi kɔl burunju ɓaa, m’an kɔnyon karé ke ndɔ ke in danrán oso nang nè. D’ade’n lakêlé nyan kɔr tà bolè ke son’n goto.