Lookilera’n 1:11 - Nouveau Testament en Gulay 2004

¹¹ Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:11 ပူးပေါင်းရင်းမြစ်များ

Nyanra Njekawkulege 16:14

Dinye karé dann de’t ri’n nè Lydie, è njè ra gate. Dinye nè nga in kêm ɓee le’n ke ri’n nè Thyatire á ree ndi kêm ɓee-bò ke Philippes ige kubuge ke ker perm-perm. Dinye nè è njè ɓel Ndil Nube. Lydie ndi ur mbi’n ke ra jé’t. Gir’n ke nè á Kuwe-ɓee teen’n ngarankêm’n ade ur’n mbi’n ngaw njêt oo’n tàge ke Paul à tam.

Nyanra Njekawkulege 18:24

Dingem karé bè è Juip ri’n nè Apollos, ɓee koje’n è Alexandrie, ree kêm ɓee-bò ke Ephèse tɔ. Dingem nè nga è doo ke ger tam tà ngain a, ger magtubge le Nube ngain a tɔ.

Nyanra Njekawkulege 20:17

Nè né è bè géa, loo ke Paul tee kêm ɓee ke Milet ɓaa, è ule kule ɓar ngatɔgege le njékebe nange le Nube ke kêm ɓee-bò ke Ephèse.

1 Nje Ke Corinthe 15:32

Rɔ ke ndɔ ke m’rɔ se dooge kêm ɓee-bò ke Ephèse ke tooi asinan se dan-tonge bè nga, ke nè á ndɔ ke è se go riɓar le dooge ke dè nang nè karè ɓaa, ké ri á m’a m’inge tutu kade è soom’t wa? Ke nè á dooge à undei loo teei dann njé ke koo’t lé ɓaa, né «j’ayé kusei a, kain a, tede barè j’à j’wei» titeke dooge tami nga.

1 Nje Ke Corinthe 16:8

Nè né è bè géa, m’a m’nain kêm ɓee-bò ke Ephèse nè kuwe sár tee’n ndɔ ra nan ree le Ndil-Kêmnda ke dé ɓar’n Pentecote.

Nje Ke Ephese 1:1

Man Paul, njèkawkule le Jésu-Krist se go kem̂ndige le Nube. M’ndang magtub nè m’ade njé ke tooi se ninn de se njé ke awi kum de ke kété-kété de kundekem̂ dè Jésu-Krist’t [ke ndii kem̂ ɓee-bò ke Ephèse].

Nje Ke Colosses 2:1

Man m’ndige kade i geri titeke m’ra rɔ ke bò tede le si sei, tede le njé ke ndii kem̂ ɓee-bò ke Laodicée a, tede le njé ke an-in kum’m nja karé lé ɓai a tɔ.

1 Timothee 1:3

Loo ke ndɔ ke m’in le kaw kem̂ ɓeekon ke Macédoine nga, m’deji kade i nain kem̂ ɓee-bò ke Ephèse. M’inyei kem̂ ɓee-bò’t nè le kade in se njé ke nange ade ebi ra de dè ndó dooge tàge ke raikarè.

Lookilera’n 1:17

Loo ke m’an doo nè nga bè ɓaa, m’oso njann’t nang rɔk tite doo ke wei bè. E ile jikon’n dèm’t nem̂ ede’m ede nè: «Ebe rai ɓel. Man nga m’ee ke desêin a, ke ngeinn’t a tɔ.

Lookilera’n 1:19

Nyange ke i an se kumi ɓá a, nyange ke reei ɓai a tɔ nga, i ndang kem̂ magtub’t.

Lookilera’n 1:2

Jean nga ɔrgo nyange malang ke è an se kum’n. E ɔrgo tà le Nube a, le Jésu-Krist a tɔ.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.

Lookilera’n 1:8

Kuwe Nube tam ndàt ede nè: «Man nga m’ee ke desêin a, ke ngeinn’t a tɔ. Man m’ndi tutu kété ke mari sár tee ɓila. M’ndi m’aw sei non.»

Lookilera’n 10:4

Loo ke ndi ndang titeke bè ɓaa, m’ayé kunn gir ndang nyan. Nè loon’t nè kuwe, m’oo ndu doo ɓar danrán ede nè: «Ndi ke ndang nja ji sejimute nè nga, ade tà’n tò loo ɓɔyɔn’t jêke^ m i ndang kem̂ magtub’t lé ɓanm.»

Lookilera’n 14:13

Go’t gugu ɓaa, m’oo ndu doo ɓar danrán ede nè: «I ndang tà nè: njé ke umi nan’t bɔk se Kuwe-ɓee á weii nga, ɗarinè ndii dann ranel’t ta.» Ndil tam ede nè: «Oiyo, maje kade dé taa kebe dè kule ra ndibe loo kulege’t le de kerɔte kuwe, tede kule nyanra de ke maje nga à utu go de.»

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»

Lookilera’n 2:1

Doo ke m’an’n nga, ede’m ede nè: «I ndang magtub ade doo ke danrán ke njèkan dè njékebe nange le Nube ke kem̂ ɓee-bò ke Ephèse. E ke njè kuwe kɔnyonge ke ji sejimute jikonn’t rige’n dadann lampege ke ra se nar-ɔr nga tam ede nè:

Lookilera’n 2:12

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Pergame. E ke aw se kuye kaskar ke tà ate ngang joo nga, tam ede nè:

Lookilera’n 2:18

«I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Thyatire. Ngonn le Nube ke kum’n taa por bilm-bilm tite ndon por bè a, nja’n ndoin tite ninge-kase a tɔ nga, tam ede nè:

Lookilera’n 2:24

Nè gute si sei njékebe nange le Nube ke kem̂ ɓee-bò ke Thyatire ke i taai nyan-ndó nè nga lé a, i sangi le geri nyanger ke dé ɓar’n «dunge nyangerge le njè kem̂ majelé» nga lé a tɔ. Man m’ede sei ndàt titeke man m’unde nyankoto ke wɔi ke rang dè si’t lé ta.

Lookilera’n 2:8

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Smyrne. E ke kété desêin se è ke ngeinn’t, è wei kété ɓita tel ndi kumgajer nga tam ede nè:

Lookilera’n 21:5

E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 22:10

Doo ke danrán nè nga tel ede’m ede nè: «Tàge ke tà Nube’t ke dé ndang kem̂ magtub’t nè nga, maje kade i ɓɔyɔ dè lé, tede ndɔ ke kade nyange nè teei nain ngɔr ta.

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»

Lookilera’n 3:1

«I ndang magtub nè ade doo ke danrán ke njèkan dè njékebe nange ke kem̂ ɓee-bò ke Sardes. E ke ndilge ke ji sejimute le Nube se kɔnyonge ke ji sejimute tooi jinn’t nga, tam ede nè: M’ger pa njiyei mbak. Ri ndikumgajer kuwe ɓar dèi’t karè, nè ke get ɓaa, i tò asenan se doo ke wei ɓá. E tam ede nè:

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè:

Lookilera’n 3:4

Nè né è bè géa, i aw se dooge ke nange kubu le de mite lé kem̂ ɓee-bò ke Sardes. Dooge nè nga à njiyei se kubuge ke nda tede asikum njiyei se’m kuwe.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè: