Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lookilera’n 1:1 - Nouveau Testament en Gulay 2004

1 Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

အခန်းကိုကြည့်ပါ။ ကော်ပီ




Lookilera’n 1:1
30 ပူးပေါင်းရင်းမြစ်များ  

E man kuwe á m’in se dè ra’m m’tam tàge nè nga lé, nè Bɔ’m ke njèkule’m kuwe á unn ndu’n ade’m ɔje dè tàge ke kum tam se kile mber’n a tɔ.


Ɗarinè man m’ɓar sei ngann njéndige gugu lé ta, tede ngonn njèndi nga ger nyanra kuwe’n lé. Man m’ɓar sei kotárge le’m tede nyan malang ke m’oo tà’n ra Bɔm’t nga, m’ribe se si dè m’ade i geri ɓá.


Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.


E ɔrgo tà nyange ke è an se kum’n a, oo se mbi’n a tɔ. Nè doo karé bè géa taa tà le’n ke è ɔrgo nga lé.


M’aw se tàge ngain ke ɔji dè si le tam a, m’aw se tàge ngain le gang dè si’t a tɔ. Nè njèkule’m nga tam ngarankum tà. Tàge ke m’oo tann’t á m’ede dooge ke dè nang nè.


Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.


Tà ke Maje nè nga, m’inge ra doo karé’t lé a, doo karé á ndó’m lé a tɔ. Nè Jésu-Krist á ribe dè ade’m.


Nube ribe dè nyan ke tò loo ɓɔyɔn’t ade m’ger titeke m’ndang’n tà’n ndêin m’ade ooi ɗarinè.


Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.


Nyange ke i an se kumi ɓá a, nyange ke reei ɓai a tɔ nga, i ndang kem̂ magtub’t.


Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.


Taɓai, doo ke danrán karé dann madennge ke ji sejimute ke ndai se bai nyantosowurge ke ji sejimute ji de’t nga ree ede’m ede nè: «I ree ade m’edi tà ke d’ade gang dè ɓee-bò ke tò tà ba-bòge’t. Ɓee-bò nè ra ra’n ke kaiya-dinye.


M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.


Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»


M’an Jérusalem ke kige, è ɓee-bò ke tò se ninn’n ke in danrán ra Nube’t rise nang. Ɓee-bò nè nga tò asenan se ngomande ke ra ra’n mande tàkum ngawn’t bè.


Dooge ke danrán ji sejimute uwei baige ji sejimute ji de’t ndai. Bai wong nè nga, nyantosowurge ji sejimute rusi kem̂ neĵ-neĵ. E karé dann de’t ree tam se’m ede nè: «I ree laa ade m’tɔji njènong ke è dinye le Ngonn bate ke taa’n ke kige nga.»


Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.


Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»


Doo ke danrán ede’m ede nè: «Tàge nè nga ei ngarankum tàge ke get ke le taa kum kem̂ de’t kuwe. Kuwe-ɓee Nube ade Ndil-kem̂nda ule tà tà njéribe-dè-tàge le’n. E ule doo le’n ke danrán le kade tɔje ɓer kulege le’n titeke ngɔr ɓaa, nyange nè nga gar-gar à teei kuwe.»


E man Jean kuwe á m’oo tà nè se mbi’m a, m’an nyange nè se kum’m a tɔ. Loo ke m’oo tà nè a, m’an nyange nè bè ɓaa, m’oso nang nja doo ke danrán ke kété tɔje’m nyange nè nga le ɗɔi’n.


Nè è ede’m ede nè: «Ebe rai ra nyan titeke bè! Man m’ee ngonn njèkule madi a, m’ee njè made kule le ngakoin ke njéribe-dè-tàge ke tà Nube’t. Man m’ee njèmade kule le njé ke ngonmi tàge ke dé ndang kem̂ magtub’t nè sêw-sêw. Nube á maje kade i ɗɔi’n gar-gar!»


Go nyange’t nè nga ɓaa, m’an tàbit kei karé ke danrán teen. M’oo ndu doo ke ndɔ ke tam se’m tà nga ɓar tite burunju bè. Doo nè nga tam se’m ede nè: «Al ke ram’t nè ade’m tɔji nyange ke à reei kuti go nyange nè nga gar-gar.»


Ngonn bate nga ree taa magtub jikon è ke njè ndi kutu-ngar’t.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ