Jude 1:8 - Nouveau Testament en Gulay 2004

⁸ Kerɔte kuwe, dooge ke uri dann si’t nga, ei rai nyange ke pás-pàs tite dooge ke kem̂ ɓee-bòge ke Sodome se Gomorrhe nga tɔ. Dé gir nyange ke se go rebe’n lé kem̂ de’t a, d’ule ra de mbiriri dann nyange ke mine’t. Dé njé kute tɔgmong le Jésu-Krist mbeng a, dé nede dooge ke danrán a tɔ.

Jude 1:8 ပူးပေါင်းရင်းမြစ်များ

Tà ke Maje ke Luc ndang 11:25

Loo ke è ɔse wan tel ree ɓaa, è an titeke kêm kei nè nga d’ɔi d’ade unju náng-náng.

Tà ke Maje ke Luc ndang 12:11

Loo ke d’ade kali sei kaw se si gangtà dè si’t kêm kei kebe nange’t éké non ngar ɓeege’t, éké non njékonɓeege’t géa, adi kêm si tò kekek dè gos ke a ɔri tà le taai dè si, éké dè tà ke kum tam’t nga lé a tɔ.

Tà ke Maje ke Luc ndang 19:14

Nè njé ke kêm ɓeekon’t le ngonn-ngar nga d’ɔr’n njêt. Dé d’ɔr dooge d’ule de goon’t d’ede nè: «Jè ndige kade è nè on jè lé.»

Nyanra Njekawkulege 23:5

Paul ile de dè’t ede nè: – Ngakonmge, m’ger titeke doo nè nga è maw njèkuje nyan-mese lé. Oiyo, dé ndang kêm magtub’t ke tò se ninn’n d’ede nè: «Ngar le kosdooge lei nga, i a tam se’n tà ke majelé lé.»

Nyanra Njekawkulege 7:27

Nè è ke karé ke njè ra made’n majelé nga ute Moise mbeng se tà ede nè: «Ké nan á undei ke ngar ke njè kɔr kum tà le jé wa?

Nyanra Njekawkulege 7:39

Moise nga, ndɔ ke kà jéige dé ndige kule dè de kade’n lé. Nè d’ute’n mbeng tede ɓengre de tò kerm ke ɓeekon ke Egypte gugu.

1 Nje Ke Corinthe 3:17

Ooi maje, ke nè á doo tuju gile kei ke tò se ninn’n le Nube nga ɓaa, Nube à tuju’n kɔke tɔ. Gile kei ke tò se ninn’n nga, è sei.

1 Nje Ke Thessalonique 4:8

Gir’n ke nè á doo ke ute tàge nè nga mbeng ɓaa, è dooge á ute de mbeng lé. Nè è Nube ke njè kade sei Ndil-Kem̂nda le’n kuwe á ute’n mbeng.

1 Timothee 1:10

Gute-ndu Nube nga tò tede le njé tò se dinyege ke rang, tò tede le dingemge ke njé tò se dingem made dege, tò tede le njé kige ɓerge se njé lanmge se njé kubu ra dege. Nyange ke rang malang ke uwei made nan se nyan-ndó ke majelé nga, ute de mbeng.

Hebreuge 13:17

Ilei koje dè njékɔr non sige’t a, ulei dè si adi de a tɔ. Dé nè nga, dé tɔse kum de dè ngarankum ra si’t se ndɔge malang. E dé nè á ndɔ ke rang d’a d’ɔrgir tà ke ɔje dè ngarankum ra si kade Nube. Ilei koje a, ulei dè si adi de titeke bè le kade dé ra’n kule nè nga se ranel anje ɓar tà. Ke nè á dé ɓar tà ɓaa, ayé maje dè si’t lé.

1 Pierre 2:17

Ilei riɓar dè dooge’t malang. I tári ngakon sige ke njétaakem̂-Kristge malang. I ɓeli ndil Nube a, ilei riɓar dè ngar’t a tɔ.