Jude 1:7 - Nouveau Testament en Gulay 2004

⁷ Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.

Jude 1:7 ပူးပေါင်းရင်းမြစ်များ

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 11:24

Gir’n ke nè á man m’ede sei ndàt, ndɔ gangtà’t nga tà ke Nube à gang dè si’t à tur ngain dum le njé ke ɓee-bò ke Sodome ɓai.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Tà ke Maje ke Luc ndang 17:29

Nè ndɔ ke Lot unde loo kêm ɓee-bò ke Sodome tee kɔke ɓá ɓaa, Nube ade nduju-nyan ke taa por ke saa’n ube ngɔk-ngɔk in danrán ɗise tite ndi bè ree ró dooge rák-rák.

1 Nje Ke Corinthe 6:9

Njé ra nyange ke se dè naje’n lé nga à ingei loo kêm Konɓee’t le Nube lé. Ké sei geri bè lé wa? Adi kum si sú sei lé: Njé tò se nan ke kaiya’t, njé gugu magege, njé sang dinyege éké dingemge ke rang, njé tel ra de ke dinyege, dingemge ke sangi dingemge made dege tooi se de ke dinyege,

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

2 Pierre 2:2

Dooge bule à ndolèi go nyanra pás-pàs le de. Dooge ngain à nedi nyanra si se tà tam si tede nyanrage ke pás-pàs.

2 Pierre 2:6

Ndɔ ke Nube gangtà dè ɓee-bòge ke Sodome se Gomorrhe ade por ró dooge ke ndɔ ke ndii kem̂ ɓee-bòge nè nga rák-rák ade teli ei bu. E ade ɓee-bòge nè nga teli ei nyan-tɔje tede le dooge ke njékaltàge ke ndɔ ke rang.

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.