Jude 1:3 - Nouveau Testament en Gulay 2004

³ Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.

Jude 1:3 ပူးပေါင်းရင်းမြစ်များ

Nyanra Njekawkulege 17:3

E ɔrgir unde non de’t tite ke Krist nga gar-gar nyankêmkon à ra’n a, à unde loo tee dann njé ke koo’t gar-gar a tɔ. Paul ede de ede nè: – Jésu-Krist ke man m’ede sei tà le’n nè nga, è kuwe á è Krist.

Nyanra Njekawkulege 18:28

E ɔr lanm tà Juipge’t nata ndái-ndái. E tɔje de se go tà ke tò kêm Magtub’t le Nube tite Jésu è Krist nga kuwe.

Nyanra Njekawkulege 20:27

Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nyanra Njekawkulege 28:28

Ooi maje, tà kaje le Nube nga ule’n ade njé ke ei Juipge lé: ei ɓaa, uri mbi de ooi. [

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Nyanra Njekawkulege 6:7

Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.

Nyanra Njekawkulege 9:13

Nè Ananias tel ede Kuwe-ɓee ede nè: – Kuwe-ɓee, m’oo ser nyanra doo nè nga tà dooge bule. Majelé malang ke doo nè ra se njé ke lei ke tooi se ninn de ke kêm ɓee-bò ke Jérusalem nga géa, m’oo ta’n se mbi’m a tɔ.

Nyanra Njekawkulege 9:22

Nè Saul nda garang-garang se ndɔge malang de kundekêm’t le’n. E ede Juipge ke Damas ndàt titeke Jésu nga è Krist kerɔte kuwe.

1 Nje Ke Corinthe 15:3

Krist wei ɓá tede majelége le jéi titeke Magtubge ke tooi se ninn de tami nga. E ke nè á è nyan-ndó ke desêin ke m’inge á m’tel’n m’ade sei.

Nje Ke Galatie 2:5

j’inye kurloo ke ndêin bè géa j’ade de lé a tɔ. Jè ra titeke bè le kade ngarankum tà le Tà ke Maje nga too’n njáng dann si’t.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Galatie 6:11

An-in! magtub ke man kuwe m’ndang se ji’m guri-guri m’ade sei.

Nje Ke Ephese 1:1

Man Paul, njèkawkule le Jésu-Krist se go kem̂ndige le Nube. M’ndang magtub nè m’ade njé ke tooi se ninn de se njé ke awi kum de ke kété-kété de kundekem̂ dè Jésu-Krist’t [ke ndii kem̂ ɓee-bò ke Ephèse].

Nje Ke Philippes 1:1

Man Paul se Timothée, ɓer kulege le Jésu-Krist. Jè ndang magtub nè j’ade njé ke tooi se ninn de ke umi nan’t bɔk se Jésu-Krist. Jè ndang magtub nè nga j’ade njékɔr non dege se njékan dè nyange le njékebe nange le Nube ke ndii kem̂ ɓee-bò ke Philippes tɔ.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Colosses 1:2

jè ndang magtub nè j’ade sei ngakon jé ke njétaakem̂-Kristge ke tooi se ninn de ke i ndii kem̂ ɓee-bò ke Colosses. Maje kade kem̂-maje se kem̂lom ke in ra Bɔ jéi Nube’t nain se si.

1 Nje Ke Thessalonique 2:2

Sei geri titeke ndɔ ke nyankem̂kon se taje ndu ase jè nák-nák kem̂ ɓee-bò ke Philippes. Nè né è bè géa, Nube ade j’oré tà jè njak j’ile’n mber Tà ke Maje le’n j’ade sei dann nyange gai-gai ke rɔi se jé.

1 Timothee 1:18

Ngonn’m Timothée, m’unn ndu’m m’adi se go tàge ke tà Nube’t ke dé tam d’ɔje’n dèi kété mari nga. Maje kade tàge nè nga adi nin tɔgi kade i ra’n rɔ maje

1 Timothee 6:12

I ra rɔ maje dè kundekem̂’t lei, i keke jii dè ndikumgajer ke se non ke Nube ɓari tede nga kek-kek. Ndikumgajer ke se non nga, kété i ɔrgo tà’n maje ngain tàkum njékɔrgo tàge’t bule.

2 Timothee 1:13

Ngarankum tàge ke oo tàm’t se mbii ɓá nga, an de ke nyan-tɔje; i nda njáng dè kundekem̂’t se dè tár nan ke j’ingei takul kum ke j’umi nan’t bɔk se Jésu-Krist.

Tite 1:4

I ngonn’m Tite ke m’oji gir kundekem̂’t le jéi nga, maje kade kem̂noje se kem̂lom ke in ra Bɔ jéi Nube’t se ra Jésu-Krist ke njèkaje jèi nain sei.

Hebreuge 13:22

Ngakonmge, m’deje sei kade i taai tà ndejege nè nga se kem̂nda káng, tede tàge ke m’ndang kem̂ magtub’t m’ule’n m’ade sei nga, ase loon’t bè karè.

Hebreuge 6:9

Kotárge le jé, ke nè á jè tam tàge nè nga bè géa, jè ger kem̂ jé’t mbak titeke sei umi nja si rebe ke maje ke à tee se si dè kaje’t.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Pierre 2:21

Kade dé ger rebe ke danné sêw nga lé è soo’t dum kade dé ger ndukunn ke tò se ninn’n le Nube ke ndɔ ke dé ndó de nga d’inye d’ɔse wan dé tel.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Jude 1:17

Nè sei kotárge le’m ɓaa, adi kem̂ si olé dè tàge ke ndɔ ke njékawkulege le Jésu-Krist Kuwe-ɓee le jéi ede sei kété ɓá nga.

Jude 1:20

Nè sei kotárge le’m ɓaa, sei kuwe ulei dingem kem̂ nan’t, awi kum si ke kété dè kundekem̂’t le si ke tò se ninn’n nga. Ɔji tà se Nube se go Ndil-Kem̂nda.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.