Jude 1:25 - Nouveau Testament en Gulay 2004

²⁵ Nube le jéi karé bere ke Njèkaje jèi takul Kuwe-ɓee le jéi Jésu-Krist nga, maje kade ndubra se riɓar, se tɔgmong konɓee ei le’n sár se non. Maje kade è titeke bè kuwe.

Jude 1:25 ပူးပေါင်းရင်းမြစ်များ

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Tà ke Maje ke Luc ndang 1:47

Ngarakum ra’m ra ranel dè Kuwe-ɓee Nube ke njètaa’m tà yo’t a tɔ.

Jean 4:22

Sei dooge ke Samarie nga, i ɗɔyi Nube i geri nin lé. Nè jè Juipge ɓaa, jè ɗɔi Nube ke jè ger’n tede kaje in ra jé jè Juipge’t.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Nje Ke Rome 11:33

Hai! nyanbaw le Nube nga bò ngain! Kumkunju se nyanger le’n nga ngei de goto! Tà gang le Nube nga dum kɔrgir a, nyange ke è ɔje nga doo ase ger gir lé a tɔ.

Nje Ke Rome 11:36

Oiyo, Kuwe-ɓee Nube kuwe á nyan malang in rann’t a, tò takul’n a, tò tede le’n a tɔ. Maje kade riɓar è le’n sár se non! Maje kade è titeke bè kuwe.

Nje Ke Rome 16:27

Nube ke Njèkumkunju karé bere nga, maje kade riɓar è le’n sár se non takul Jésu-Krist! Maje kade è titeke bè kuwe.

Nje Ke Ephese 1:8

Kem̂noje nè nga Nube ade taa ra jéi pel-pel. Takul kem̂noje nè nga á j’ingei kumkunju se gos nyanger ke deri.

Nje Ke Ephese 3:10

Nè ɗarinè, takul njékebe nange le Nube á njékɔr non dooge se njétɔgmong-ge ke kem̂ danran’t dɔ geri kumkunju le Nube ke se ri’n-ri’n nga.

Nje Ke Ephese 3:21

Maje kade riɓar è le Nube dann njékebe nange’t le’n ke umi nan’t bɔk se Jésu-Krist dann girkoje dooge’t malang sár se non. Maje kade è titeke bè kuwe.

1 Timothee 1:17

Ngar ke njèndi se non, ngar ke njè kwei lé, ngar ke doo asekum kan’n lé, Nube karé bere luk-luk nga, maje kade riɓar se ndubra ei le’n sár se non. Maje kade è titeke bè kuwe.

1 Timothee 2:3

E á è nyan ke maje ke taa kum Nube njèkaje jéi

Tite 2:10

I ndeje de le kade ei njé meendé nyange lé, nè le kade se ndɔge malang ei njé ra nyange ke maje tá kuwe dege à taai kem̂ de. Ke nè á ɓerge rai titeke bè ɓaa, ei à ilei riɓar dè nyan-ndó’t le Nube ke njèkaje jèi.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Tite 3:4

Nè né è bè géa, Nube Njèkaje jèi kile kem̂-maje se tár le’n ke nata tede dooge malang.

Hebreuge 13:8

Jésu-Krist nga tel ra’n rang lé. E ndi titeke tagela a, titeke ɓila a tɔ. A ndi titeke bè sár se non.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

Lookilera’n 1:6

Jésu-Krist tel jéi ke dooge ke kem̂ konɓee’t le Nube. E tel jèi ke njékuje nyan-mesege tede ra kule le Bɔ’n Nube. Maje kade riɓar se tɔgmong ei lennge sár-sár se non. Maje kade è titeke bè kuwe.