Jude 1:24 - Nouveau Testament en Gulay 2004

²⁴ Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.

Jude 1:24 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 5:12

I rai ranel a, ali ra si se kêmnda káng tede nyan kuge dè ji si è ngain dɔ danran. Njéribe-dè-tàge ke tà Nube’t ke kété non si’t nga géa, ndɔ ke dé ra kum de ndoo titeke dé ra’n kum si ndoo bè tɔ.

Tà ke Maje ke Luc ndang 9:26

Ke nè á doo karé ra rasɔl dèm’t se dè tàge’t le’m ɓaa, man ke m’ee Ngonn doo nga, ndɔ ke m’a m’tel ree dann ndubra’t le’m se le Bɔ’m se le njékêmndage ke danrán a tɔ ɓaa, ra’m à sɔl’m dènn’t tɔ.

Nje Ke Rome 14:4

Ké i nga i nan á in se dèi i gangtà dè ngonn njèndi’t le madi ke rang wa? Ke nè á è nda dɔ éké oso géa è tà le kuwe’n. Nè è à nda dɔ tede Kuwe-ɓee aw se tɔgmong le kade in nda’n dɔ njáng.

Nje Ke Rome 8:31

Ké tà ri j’à tami dè nyange’t nè nga ɓai wa? Ke nè á Nube è le jéi ɓaa, ké nan à ɔse se jéi tà wa?

2 Nje Ke Corinthe 11:2

M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.

2 Nje Ke Corinthe 4:14

Oiyo, jè ger titeke Nube ade Kuwe-ɓee Jésu unde loo tee dann njé ke koo’t. Jè géa, ndɔ ke rang à ade j’à j’unde loo le tee dann njé ke koo’t se Jésu nan’t. E kuwe à ade jè se si j’à j’ali garang ndai nonn’t.

2 Nje Ke Corinthe 4:17

Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.

Nje Ke Ephese 3:20

Se go tɔgmong le Nube ke ra kule kem̂ jéi’t nga, Nube asekum ra nyan kade al dè nyan malang ke jè deji nin éké ke jè giri kem̂ jéi’t.

Nje Ke Ephese 5:27

E ra titeke bè le kade njékebe nange le Nube ndai tàkumn’t dann ndubra’t se ra’n ke ndolé kein-kein anje kɔr-ɓal éké anje kum kule a tɔ. Krist ndige le kade njékebe nange le Nube tooi se ninn de gai, le kade tà karé uwe dè de lé a tɔ.

Nje Ke Colosses 1:22

Nè ɗarinè i teli umi nan’t bɔk se Nube takul kwei le danra Ngonn’n le kade sei dooge ke i tooi se ninn si tàkumn’t anje kade ra si ɔr ɓál a, nal kade tà karé géa uwe de si a tɔ.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.

Nje Ke Colosses 3:4

Krist è ndikumgajer le si. Loo ke è à unde loo tee pan ɓaa, sei géa a undei loo teei se’n nan’t a, a oréi nan se’m dè ndubra’t le’n a tɔ.

2 Timothee 4:18

Kuwe-ɓee à ɔr’m dann nyan ke majelé’t malang, è à aje’m le kade m’aw sár kem̂ konɓee’t le’n ke danrán se ra’m ke mong maj-maj. Maje kade riɓar è le’n è kuwe sár se non. Maje kade è titeke bè kuwe.

Jacques 2:10

Ke nè á doo an dè gute-ndu bere sêw-sêw nè è ɔse è ke karé pat nal ɓaa, tà uwe dè’n ɔje dè gute-ndu bere mbak.

1 Pierre 4:13

Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.

2 Pierre 1:10

Gir’n ke nè á ngakonmge, utei ra si kalang ke kété le nda njáng dè ɓar ke Nube ɓar sei’t a, dè kɔr ke è ɔr sei unde sei se ninn si nga a tɔ. Ke nè á i rai nyange nè nga malang ɓaa, nyan karé géa à tuge sei kile sei ndan lé.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.

Lookilera’n 14:5

Tà lanm tee tà de’t ndɔ karé bè lé. Dé njé ra nyan se dè najennge m doo ile tà dè de’t nja karé bè géa lé.