Jude 1:23 - Nouveau Testament en Gulay 2004

²³ Uwei njé ke nange hont ɔri de dann por’t aji de. An-in kumtondoo le njé ra majelége ke nange se kem̂nda geng. Nè kubu ke ulei kem̂ made’t rai majelé nga géa, ɔri nin njêt.

Jude 1:23 ပူးပေါင်းရင်းမြစ်များ

Nje Ke Rome 11:14

M’unn tà kule le’m titeke bè tá bainléa jang à ra’n ngakonmge ke ei Juipge kade maje’n njé ke nange dann de’t.

1 Nje Ke Corinthe 15:33

Kêm si dè ra si’t. «Uwei made nan se dooge ke nyanra de majelé lé, nè ei njé tuju hal ke maje kɔke.»

1 Nje Ke Corinthe 3:15

Nè, ke nè á por ró kule ra doo nè nga rák-rák ɓaa, è à nal nyan kuge dè ji le’n. E ɓaa d’a d’aje’n, nè né è bè géa è tite doo ke unde loo pitring tee dann por’t an-in bè.

2 Nje Ke Corinthe 5:11

Jè ɓel Ndil Kuwe-ɓee Nube. Gir’n ke nè á jè sang’n le kade dooge undei kêm de dènn’t. Jè nga Nube ger jè ndát-ndát mbak. Sei géa, m’gir titeke i geri jè kêm si’t maje titeke Nube ger’n jè bè tɔ.

2 Nje Ke Thessalonique 3:14

Ke nè á doo karé ile koje dè tà’t le jé ke j’ede sei kem̂ magtub’t nè nga lé ɓaa, undei kum si goon’t tênn-tênn, utei ra si mbeng rann’t kɔke tede kade ra’n sɔl’n ade ndii’n gugum.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

2 Jean 1:11

Ke nè á edi nin edi nè: «I ree se maje’n» ɓaa, sei umi se doo nè nan’t bɔk dè kule rannge ke majelé nga ɓá ta.

Jude 1:22

An-in kumtondoo le njé ke ndii à ilei mber mbɔr dè kundekem̂’t le de ɓai nga.

Lookilera’n 3:18

M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.

Lookilera’n 3:4

Nè né è bè géa, i aw se dooge ke nange kubu le de mite lé kem̂ ɓee-bò ke Sardes. Dooge nè nga à njiyei se kubuge ke nda tede asikum njiyei se’m kuwe.