Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jude 1:20 - Nouveau Testament en Gulay 2004

20 Nè sei kotárge le’m ɓaa, sei kuwe ulei dingem kem̂ nan’t, awi kum si ke kété dè kundekem̂’t le si ke tò se ninn’n nga. Ɔji tà se Nube se go Ndil-Kem̂nda.

အခန်းကိုကြည့်ပါ။ ကော်ပီ




Jude 1:20
28 ပူးပေါင်းရင်းမြစ်များ  

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.


M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»


Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.


Titeke bè á njékebe nange le Nube bere mbak ke ɓeekon ke Judée se Galilée a, se Samarie teli ndii se kêmlom. Njétaakêm-Kristge rai tɔge a, ilei koje dè Kuwe-ɓee a tɔ. Kɔr de in dè made’t ke kété-kété takul nain ke tɔgmong le Ndil-Kêmnda nain se de.


Gar-gar maje kade nanan géa dann jéi’t sang nyan ke à taa kum doo made’n, le kade kundekêm le doo made’n ra’n tɔge in-in’n dè made’t ke kété-kété.


Ndil ke sei ingei nga à ra sei ɓer kade i teli osoi dann ɓel’t lé ta, nè à tel sei ke ngann Nube. Takul Ndil nè á jè ɓari Nube j’edi nè: «Abba!» tel se tà koje jé ɓaa è «Ɓɔ jé!»


E Kuwe-ɓee le jéi Jésu-Krist nga kuwe á ade a i ndai njáng dè kunde-kêm’t le si sár ndɔ ke ngeinn’t. Titeke bè á tà karé bè géa à uwe dè si kêm ndɔn’t le Kuwe-ɓee le jéi Jésu-Krist nga lé.


Njé ke nange dann si’t tami edi nè: «D’inye loo d’ade’m le kade m’ra nyan malang.» Oiyo è bè kuwe, nè né è bè géa, nyan malang nga ra’n tuwe sei ɗêw lé. «D’inye loo d’ade’m kade m’ra nyan malang», nè nyan malang à ade njétaakêm-Kristge à tɔgi dè kundekêm’t le de lé.


A ɓaa, ké ri á m’a ra ta wa? M’a kɔje tà se Nube se ndil’m, nè m’a kɔje tà se Nube se tàgir le’m tɔ. M’a kɔse pa se ndil’m, nè m’a kɔse pa se tàgir le’m tɔ.


A ɓaa, ngakonmge, ké tà ri á m’a tam ɓai wa? Loo ke sei i kebi nan ɓaa, maje kade doo karé dann si’t ɔse pa, doo karé à ndó nyan dooge éké doo karé ke rang à ribe dè tà ke tò loo ɓɔyɔn’t a, doo ke rang à tam tà tam dooge ke rang gai-gai éké doo karé ke rang à tel gir tà ke dé tam nè nga tɔ. Nè maje kade nyange nè malang awi se gonan-gonan tede kade kundekêm le dooge ra’n tɔge ke kété-kété tá.


Sei sei ngann kem̂ Nube kerɔte kuwe. Gir’n ke nè á Nube ule’n Ndil Ngonn’n ade ndii’n dè ɓengre jèi’t. Takul Ndil nè nga á jè tami tà se ndu jéi ke bòi j’edi nè: «Abba, Bɔ jé.»


Jésu-Krist ra titeke bè le kade njétaakem̂-Kristge asikum rai kule le de ke ɔje dè de, dè de. Titeke bè á danra Krist à ra’n tɔge ke kété-kété dè kundekem̂’t.


E takul’n è á ngire-rage ke gai-gai ndii tà nan’t ndeĵ-ndeĵ a, umi nan’t bɔk adi danra bere mbak uwe’n nan maje sem̂-sem̂ takul dè kur-rage. Ke nè á balkum ra karé-karé malang ra kule ke ɔje dè’n-dè’n ɓaa, danra bere mbak à ra tɔge ke kété-kété a, à ɓisir takul tár nan.


Adi tà ke ete-se karé bè tee tà si’t lé. Maje kade adi tà ke maje ke à ade kundekem̂ le njé ke rang à ra tɔge ke kété-kété á adi tee tà si’t tede kade njé ke ooi ubei maje’n.


Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.


Ulei ngire si nang rann’t janm-janm a, i rɔti ndikumgajer le si dènn’t a tɔ. I ɓeɓerei dè kundekem̂ dè Krist’t titeke dé ndó’n sei kété ɓá. I rai Nube oiyo se ndɔ si, ndɔ si.


Gir’n ke nè á maje kade i ndeji nan a, ulei dingem kem̂ nan’t a tɔ, titeke i rai kété ɓá nga.


M’adi i ndi kem̂ ɓee-bò ke Ephèse le kade in se doo ke nange dè liger dè sú tàge’t se dè kɔrgir kàge ke kété-kété anje kunde ngang’n. Kɔrgir kàge ke titeke bè nga oje tà najege m ade nyan ke Nube ɔje le kade doo inge se go kundekem̂ tee kɔde lé.


Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.


Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.


I an titeke kundekem̂ le Abraham a, kule ra’n a tɔ nga, asinan deĵ. Kundekem̂ le’n maje ɔr njêt takul kule rannge.


Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.


Oiyo, nanan ke Nube kuwe oje’n ɓaa à tête rɔ dooge ke ei le nang nè. Rɔ ke jè têti dooge ke ei le nang nè nga, è kundekem̂ le jéi.


Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.


Doo ke d’uwe dè nja dangai d’ɔje’n dè’n ɓaa, à aw dangai’t kuwe. Doo ke d’ɔje kade wei yo kuye kaskar ɓaa, à kwei yo kuye kaskar kuwe gar-gar. Gir’n ke nè á, maje kade dooge le Nube ke tooi se ninn de oréi tà njak dè kundekem̂ dè Nube’t le de.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ