Jude 1:12 - Nouveau Testament en Gulay 2004

¹² Dé nè nga dé d’asenan se her ke à tuge sei kile sei tà nyankuse’t tár nan’t le si nga. D’on mur se si se go dege non dege anje ɓel d’ul’n ra de dé kuwe. Dé tò d’asenan se ndi ke in ngiring-ngiring ke nel ɔr’n aw se’n ade ede lé bè. Dé d’asenan se kagege ke anni lé a, dé tite kagege ke nel dann-ɔr-made tɔr de se ngire’n bere mbak ade weii njanm-njanm.

Jude 1:12 ပူးပေါင်းရင်းမြစ်များ

Matthieu 13:6

Nè loo ke kàde ɔse ramam ɓaa, ko ke ube nga ndolè ade tutu ngarr a tɔ, tede ngire’n aw nang ngain lé.

Matthieu 15:13

Jésu ile de dè’t ede nè: – Kage ke rara ke Bɔ’m ke danrán man’n lé ɓaa, d’ade d’ɔr’n se ngire’n bere ɓarak kile’n kɔke.

Marc 4:6

Loo ke kàde ose ramam ɓaa, ndolèi sabak tede ngire de aw nang ngain lé ade tuti parr.

Tà ke Maje ke Luc ndang 12:45

Ke nè á ngonn njèndi nè nga tam kêmn’t ede nè: «Kuwe’m à tel ree kalang lé ɓai.» Nè loo ke è unn gir kuse nyan se kain yibe ade al dè’n, è ur dè gute ngann njèndi madennge’t ke dingem se njé ke dinye tunde de, yal de karé-karé.

Tà ke Maje ke Luc ndang 16:19

Kété mari doo karé bè ke è baw ndi tutu. E tule kubuge ke ker perm-perm ke maje rann’t. Doo nè nga use a, an-in a, ra ranel se ndɔge malang a tɔ.

Tà ke Maje ke Luc ndang 21:34

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Tà ke Maje ke Luc ndang 8:6

Njar ko ke nange ke rang tée toso dè her’t tɔ. Loo ke ubei ɓaa, ke loon’t nè kuwe ndolèi sabak a, tuti parr tede nang ke gir de’t è ngain lé.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Philippes 3:19

Dooge nè nga loo tɔl tà’n ɓaa, d’a tuju. Nyankuse ke kem̂ de’t á d’oré kum de dè’t asenan se Nube le de bè a, nyan rasɔl á d’an ke riɓar le de a tɔ. Nyange le nang nè á dé gir dè’t se ndɔge malang.

1 Timothee 5:6

Nè njèkei-kinge ke ndi tede ranel le danra nga, né ndi kumgajer ɓai géa, è nain ke doo ke wei ɓá ta.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

Jacques 5:5

Sei i ndii deŝ dann ranelge’t dè nang nè. Sei usei a, an-in a, adi kem̂ si ndann gɔj-gɔj a tɔ, i nginei ndɔ gangtà le Kuwe-ɓee. Sei uli ra si eri lɔt-lɔt asinan se dange ke uli ra de nginei ndɔ ke kade dé tɔl’n de bè.