Jude 1:1 - Nouveau Testament en Gulay 2004

¹ Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Jude 1:1 ပူးပေါင်းရင်းမြစ်များ

Matthieu 10:3

Philippe se Barthélemy, Thomas se Matthieu ke njètaa tirge, Jacques ngonn Alphée se Thadée.

Matthieu 13:55

Ké nan adé tɔgmong á n’ra’n nyankɔbege nè nga wa? Ké n’ee nga n’ee Ngonn le njè ra kule kage karè lé wa? Ké ri konyé è Marie lé wa? Ké Jacques se Joseph, se Simon se Jude nga ei ngakonyége ke dingem lé wa?

Marc 3:18

André, Philippe, Barthélemy a, Matthieu a, Thomas, Jacques ngonn le Alphée a, Thaddée, Simon doo ke ɓee le’n è Cana a,

Marc 6:3

Ké n’ee nga n’ee njè tɔl kagege ke n’ee ngonn le Marie nga lé wa? Ké Jacques se Joses se Jude se Simon nga ei ngakonyége lé wa? Ké kon nannége ei dann jéi’t laa lé wa? Kêm dooge ke Nazareth on de ngain dè Jésu’t ade undei kêm de dènn’t lé.

Tà ke Maje ke Luc ndang 6:16

Jude ngonn le Jacques se Judas Iskariot ke tel è njèkunn dè Jésu nga.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 14:22

– Kuwe-ɓee, ké bain jè tá a kɔrgir rai kade jè anje kɔr kade dooge ke dè nang nè wa?

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 17:15

M’deji tede kade i tɔr de kɔke dann dooge ke dè nang nè lé, nè le kade ai-in ngang de garar-garar ade Sú ke njèkêmyêr ɔde ra de lé.

Jean 17:17

Bɔ’m, i tɔr de unde de se ninn’n se go ngarankum tà tede tà lei è ngarankum tà.

Jean 17:19

Man kuwe m’unn ra’m bere mbak m’adi tede le de. Titeke bè á dé kuwe géa, d’a k’ee’n lei se girson bere se go ngarankum tà.

Jean 6:39

Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 20:32

Ɗarinè, m’um sei ji Nube’t a, m’um sei dann tà kêmnoje’t le’n a tɔ. Tà kêmnoje le Nube nga asekum ra se sei kade ingei nyange malang ke Nube uwe dè nja unde konn tede le njétaakêm-Kristge malang.

Nyanra Njekawkulege 27:23

Nube ke m’ɗɔi’n nga ule doo le’n ke danrán ade ree ram’t ndɔɔ laa ede’m ede nè:

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 1:6

Sei dooge ke kêm ɓee-bò ke Rome nga géa, Nube ɓar sei le kade sei dooge le Jésu-Krist tɔ.

Nje Ke Rome 16:18

Dooge ke titeke bè nga, ei ɓer kulege le Kuwe-ɓee le jéi Krist ke get lé, nè ei njé ra kulege ke ɔje dè tà kêm de ei kuwe. Tàge ke nel ke tà de’t á dé libe’n kum njétaakêm-Kristge ke kundekêm le de ɓisir lé ɓai, d’ite’n dè de’t.

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

Nje Ke Rome 8:30

Njé ke Nube ɔje kade ei ngannenge kété mari ke desêin nga, è ɓar de tɔ. Njé ke è ɓar de nga, è tel de ke njé ra nyan se dè najennge a, è ile riɓar dè de’t a tɔ.

Nje Ke Rome 9:24

Dooge ke Nube ra se de kêmkanm nga, è jèi ke è ɓar jèi. E dann jéi jèi Juipge kuwe se kar jéi á Nube ɓar jèi lé, nè è ɓar njé ke ei Juipge lé nga tɔ.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Ephese 5:26

Krist ndogo mann njékebe nange le Nube tchák-tchák. E ɔr se-kaiyage le de se go ngarankum tà le’n, unde de se ninn’n ade ei le Nube kuwe ɗarinè.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

1 Nje Ke Thessalonique 5:23

Maje kade Nube ke kem̂lom in ra’n è’t kuwe tel sei ke dooge le’n ke i tooi se ninn si gai. Maje kade Nube ngonm ra si bere mbak, ngonm ndil si se nganrankum ra si a, ngonm danra ra si a tɔ, le kade tà karé géa uwe dè si ndɔ tel ree’t le Kuwe-ɓee le jéi Jésu-Krist nga lé.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

2 Timothee 4:18

Kuwe-ɓee à ɔr’m dann nyan ke majelé’t malang, è à aje’m le kade m’aw sár kem̂ konɓee’t le’n ke danrán se ra’m ke mong maj-maj. Maje kade riɓar è le’n è kuwe sár se non. Maje kade è titeke bè kuwe.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.