Jean 9:39 - Nouveau Testament en Gulay 2004

³⁹ Jésu unn tà tam ede nè: – Man nga m’ree dè nang nè le kɔr ninn dooge gai-gai: Njé ke kété an-in loo à teli njé kum libege a, le kade njé ke kété ei njé kum libege teli an-in loo a tɔ.

Jean 9:39 ပူးပေါင်းရင်းမြစ်များ

Matthieu 11:5

Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Matthieu 15:14

Inyei de! tede dé njékumtɔge ke njékɔr non njékumtɔ made dege. Ke nè á njèkumtɔ ɔr non njèkumtɔ made’n ɓaa, ei joo mbak à osoi kêm bolè’t.

Matthieu 6:23

Nè loo ke kum jéi an loo majelé ɓaa, danra jéi bere mbak ndi dann tilkus’t a tɔ. Ke nè á lookar ke kêm jéi’t kei tel è loo ndul ɓaa, danra jéi bere mbak ndi dann loo ke ndul ndin-ndin’t.

Tà ke Maje ke Luc ndang 1:79

Lookar nè nga à ndogó dè njé ke ndii dann tilkus’t se njé ke ndii tà yo’t. Lookar nè nga à ɔr non jéi dè rebe ndi se kêmlom dann nan’t a tɔ.

Tà ke Maje ke Luc ndang 13:30

An-in maje, njé ke gugu à teli k’ei ngawtà made dege a, njé ke ei ngawtà made dege à teli k’ei njé kutu go made dege a tɔ.

Tà ke Maje ke Luc ndang 2:34

Siméon tɔr tà’n dè de’t ɓaa, è ede Marie ede nè: – An! ngonn nè nga Nube ɔr’n unde’n ke nyan-tɔje. A è gir koso a, à è gir kɔse nang kin le dooge bule ke ɓeekon ke Israel. Ngonn nè nga, à è nyan-tɔje le Nube. Nè dooge à uteii mbeng.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Tà ke Maje ke Luc ndang 7:21

Kêm kàde’n ke d’ade reenn’t nga, Jésu ndi ɔr ratur ra dooge’t bule. Njé ke raturge ke se ri de-ri de rai de nga géa, è ɔr ra de’t. E rɔ ndilge ke majelé kêm dooge’t kɔke a, è uwe noje se njékumtɔge ade teli an-in loo njai-njai a tɔ.

Jean 12:31

Tà ke Nube à gang dè dooge ke dè nang nè nga, ɗarinè unn gir’n ɓá ta. Ngar le njé ke dè nang nè nga, Nube à sure’n kile’n nata ɗarinè ta.

Jean 12:46

Man nga m’ee lookar ke m’ree dè nang nè. Nanan ke unde kêm’n dèm’t ɓaa à ndi dann tilkus’t se ndɔ’n-ndɔ’n lé.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 3:19

An-in! tà ke uwe dè dooge á tò nè: lookar ree dè nang nè, nè dooge ndigi tilkus tá ngain dum lookar tede nyanra dege majelé.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Jean 8:15

Sei gangi tà se go kum kan loo le doo, nè man ɓaa, m’gangtà dè doo karé’t bè lé ɓai.

Jean 9:25

Doo ke kété è njèkumtɔ tel ile de dè’t ede nè: – Doo nè nga, bainléa è njè ra majelé géa m’ger lé. Nè nyan karé ke m’ger á tɔ nè: kété m’ee njèkumtɔ, nè ɗarinè m’an loo njai-njai.

Nyanra Njekawkulege 26:18

M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»

2 Nje Ke Corinthe 2:16

Jè ɓus nyan le yo tede le njé ke ndii awi ke loo tuju’t a, jè ɓus nyan le kaje tede le njé ke ndii awi ke loo kaje’t a tɔ. Ké nan asekum ra kule ke titeke bè nga wa?

Nje Ke Ephese 5:14

Nyan malang ke loo unju dè’t nga tel è lookar tɔ. Gir’n ke nè á dé tam’n d’ede nè: «I ke i tò ɓi nga, i teen kumi, unde loo i tee dann njé ke koo’t ɓaa, Krist à ndoin non-in’t.»

2 Nje Ke Thessalonique 2:10

Njè kɔse tà se Nube nè nga à ra nyange ke majelé ke se ri de-ri de le sú’n kum dooge kade tuji. Dooge ke njè kɔse tà se Nube à tuju de nga, ei dooge ke ndigi taai ngarankum tà ke ayé kaje de nga lé.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Jean 2:11

Nè doo ke ɔr ngokon’n njêt ɓaa, ndi dann tilkus’t. E njiye dann tilkus’t anje ger loo ke ndi à aw ke tutu, tede tilkus tel’n ke njè kum libe.