Jean 9:24 - Nouveau Testament en Gulay 2004

²⁴ Pharisienge tel ɓari doo ke kété è njèkumtɔ nga dejii tà nja karé ɓai edi nè: – I tam kerɔte non Nube’t. Dingem nè nga, jè ɓaa jè ger titeke è njè ra majelé.

Jean 9:24 ပူးပေါင်းရင်းမြစ်များ

Marc 15:27

Kêm ndɔn’t nè nga, dé ɓer njékaltàge tà gute-ndu’t joo kàde kage-dese’t kɔte Jésu’t. Dé ɓer è ke karé dè jikonn’t a, è ke karé dè jigeln’t a tɔ.

Tà ke Maje ke Luc ndang 15:2

Pharisienge se njékɔrgir gute-nduge murin tà kêm de’t edi nè: – An-in! doo nè nga uwe njékaiyage ke rann’t a, use se de nyan nan’t a tɔ.

Tà ke Maje ke Luc ndang 19:7

Loo ke dooge malang an-in bè ɓaa, unni gir murin tà edi nè: – Doo nè nga aw kêm kei le doo ke njè ra majelé tá taa kebe tutu.

Tà ke Maje ke Luc ndang 7:39

Loo ke Simon ke njè ɓar Jésu nga an nyan nè nga titeke bè ɓaa, è girtà kêmn’t ede nè: – Ke nè á dingem nè è njèribe-dè-tà ke tà Nube’t kerɔte ɓaa, ayé ger titeke dinye ke ɔde ra’n nè nga, è dinye ke d’an’n ke kaiya-dinye kuwe.

Jean 14:30

M’a m’ɔje se si tà ngain lé ta, tede ngar ke njèkonɓee dè nang nè à ree non ta. Kerɔte kuwe, è ase ra se’m nyan karé bè lé.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Jean 18:30

Juipge ilei nin dè’t edi nè: – Ke nè á doo nyan le doo nè nga è njè ra majelé lé ɓaa, né j’ayé k’ule’n jii’t lé.

Jean 19:6

Loo ke maw njékuje nyan-mesege se pajage le de an-in Jésu pan ɓaa, ei rai nyan wuu edi nè: – I ɓeré kade kage-ke-dese’t! I ɓeré kàde kage-ke-dese’t! Pilate tel ede de ede nè: – Sei kuwe i taai n’ee awi i ɓeri n’ee kàde kage-ke-dese’t tede man ɓaa, m’an tà karé ke uwe dèyé lé.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Jean 8:46

Ké nan dann si’t asekum tɔje’m majelé ra’m wa? Ke nè á m’tam ngarankum tà ɓaa, ké bain á undei kêm si dèm’t lé wa?

Jean 8:49

Jésu ile de dè’t ede nè: – Ḿ-m̀, kumen goto kêm’t. Man m’ile koje dè Bɔm’t, nè sei á ilei koje dèm’t lé.

Jean 9:16

Dooge ke nange dann Pharisienge tami edi nè: – Dingem ke njè ra nyan nè nga in ra Nube’t lé, tede ile koje dè ndɔ taa kebe’t nga lé. Njé ke rang tami edi nè: – Ké doo ke njè ra majelé asekum ra nyankɔbege ke titeke bè ra wa? Kɔbe kasenan lé in dann de’t ade dé kai nan danné.

Jean 9:25

Doo ke kété è njèkumtɔ tel ile de dè’t ede nè: – Doo nè nga, bainléa è njè ra majelé géa m’ger lé. Nè nyan karé ke m’ger á tɔ nè: kété m’ee njèkumtɔ, nè ɗarinè m’an loo njai-njai.

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.