22 Njékojennge tami titeke bè tede ei ɓeli Juipge. Juipge nga umi tà le de nan’t kété edi nè: Nanan ke tam ndàt titeke Jésu nga è Krist ɓaa, j’à rɔi nin kɔke kêm kei kebe nan’t.
Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!
E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?
Go nyange ke teei’t nè nga, Joseph ke ɓee le’n è Arimathée aw deje Pilate kade inye loo ade ɔr ninn Jésu. Pilate ndige se’n dè’t. Joseph aw ɔr ninn Jésu kàde kage-ke-dese’t. Joseph nè nga, kété è njèkuwe-gir Jésu se go ngein tede è ɓel kum Juipge.
Loo sɔlé kêm ndɔ ke njè kutu go ndɔ taa kebe, loo ke ndɔ il ɓá ɓaa, njékuwe-gir-Jésuge kebi nan kêm kei uti tà rebe dè de’t kák-kák tede ɓeli Juipge. Jésu tee hɔi, nda dann de’t ede de ede nè: – Maje kade kêmlom nain se si.
Nè se go rebe ke ra an’n loo ɗarinè, jè jè ger lé. Doo ke njèkade kum’n teen ade an’n loo nga géa jè ger’n lé a tɔ. I dejii è kuwe adi ɔrgir nyan ke ɔje dè’n ade ooi tede è doo ke tɔge kang-kang ɓá ta.
Pharisienge in-in se doo ke ndɔ ke è njèkumtɔ nga edi nè: – I ke d’oji dann majelé’t bere mbak taa i ndige le tel k’ee njè ndó jè nyan wa? Ke loon’t nè dé rɔ’n kêm kei kebe nan’t d’ile’n nata.
Njégangtàge teli ɓari njékawkulege adi d’unde de se ndêin maru, taɓai ei unni ndu de ade njékawkulege le kade tami tà se ri Jésu nè nga lé njing ɓita inyei de adi awi ɓai.
Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»