Jean 9:21 - Nouveau Testament en Gulay 2004

²¹ Nè se go rebe ke ra an’n loo ɗarinè, jè jè ger lé. Doo ke njèkade kum’n teen ade an’n loo nga géa jè ger’n lé a tɔ. I dejii è kuwe adi ɔrgir nyan ke ɔje dè’n ade ooi tede è doo ke tɔge kang-kang ɓá ta.

Jean 9:21 ပူးပေါင်းရင်းမြစ်များ

Tà ke Maje ke Luc ndang 8:43

Dinye karé ke mese tal rann’t gavbak-gavbak ase lo dɔg-gidé-joo nda dann dooge’t nè tɔ. E tunde nyankingege le’n malang tin sakt-sakt kɔke ra njékugege’t. Nè doo karé bè ke njèkuge asekum kɔr ratur nè rann’t lé.

Jean 5:5

Dingem karé ke ratur ra’n ɓal kɔr-mute-gidé-sɔsɔ è dann njératurge’t nè nga tɔ.

Jean 9:10

Dé deje’n d’ede nè: – A ɓaa, i ra titeke bain á kumi teen ade an’n loo wa?

Jean 9:20

Njékojennge ilei Pharisienge dè’t edi nè: – Jè ger maje titeke è ngonn jé ke j’oje’n ke njèkumtɔ nga kuwe.

Jean 9:22

Njékojennge tami titeke bè tede ei ɓeli Juipge. Juipge nga umi tà le de nan’t kété edi nè: Nanan ke tam ndàt titeke Jésu nga è Krist ɓaa, j’à rɔi nin kɔke kêm kei kebe nan’t.

Jean 9:23

Gir’n ke nè á njékojennge tami edi nè: «I dejii è kuwe tede è doo ke tɔge kang-kang ɓá ta.»

Nyanra Njekawkulege 9:33

E inge dingem karé ke ri’n nè Enée. Dingem nè nga kêl ra’n wei tonrin ade tò nang dè tire ratur’t lo sɔsɔ.