Jean 9:16 - Nouveau Testament en Gulay 2004

¹⁶ Dooge ke nange dann Pharisienge tami edi nè: – Dingem ke njè ra nyan nè nga in ra Nube’t lé, tede ile koje dè ndɔ taa kebe’t nga lé. Njé ke rang tami edi nè: – Ké doo ke njè ra majelé asekum ra nyankɔbege ke titeke bè ra wa? Kɔbe kasenan lé in dann de’t ade dé kai nan danné.

Jean 9:16 ပူးပေါင်းရင်းမြစ်များ

Matthieu 12:10

Doo karé ke ji’n wei tonrin ndi kêm kei kebe nan’t nè nga tɔ. Dé deje Jésu d’ede nè: – Ké d’inye loo d’ade doo le kade ɔr ratur ra njèratur’t se ndɔ taa kebe nga wa? Dé deje’n tà nè nga titeke bè le kile’n tà denn’t kede nè è altà tà gute-ndu’t.

Matthieu 12:2

Loo ke Pharisienge an-in nyan nè nga bè ɓaa, ei deji Jésu edi nè: – An! Ké bain á njékuwe-girige unni kum de dɔ rai nyan ke gute-ndu le jéi ɔge jéi ra se ndɔ taa kebe nga wa?

Tà ke Maje ke Luc ndang 13:14

Nè wong ra ngar dè kei kebe nan tede kaje ke Jésu aje dinye nè se ndɔ taa kebe. Ngar dè kei kebe nan nè nga ede dooge malang ke ndii tutu ede nè: – Gar-gar j’à ra kule ase ndɔ mute-mute. I reei kêm ndɔge’t nè nga adi d’ɔr ratur ra si’t m i nginei ndɔ taa kebe tá lé.

Jean 10:19

Tà tin nan oso dann Juipge’t tede tàge ke Jésu tam ɗarinè nga.

Jean 14:11

M’um se Bɔ’m nan’t bɔk, Bɔ’m géa um se’m nan’t bɔk tɔ. Ke nè á umi kêm si dè tà’t le’m lé géa, undei kêm si dè nyange ke m’ra kété m’ade an-in nga.

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 5:10

Juipge ɓari go dingem ke ratur ɔr dènn’t nga tami se’n edi nè: – Ɓila è ndɔ taa kebe. Ké nan á unn ndu’n adi kade oto tuwe tooi i ringe’n wa?

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 6:52

Juipge naji nan tà ngain dann de’t edi nè: – Ké n’ee nga n’asekum kade jèi danrayé kade j’usei titeke bain wa?

Jean 7:12

Doobulege naji nan tà ngain dann de’t ɔji dè Jésu. Njé ke karége tami edi nè: – Jésu è doo ke njèra maje. Njé ke nange tami edi nè: – Ḿ-m̀, Jésu è njè libe kum doobulege.

Jean 7:23

Sei ujei tà mɔte doo se ndɔ taa kebe tede kile’n koje dè gute-ndu Moise’t. A ɓaa, ké bain á i rai wong se’m tede kaje ke ndɔ ke m’aje danra doo bere mbak se ndɔ taa kebe nga wa?

Jean 7:43

Gir’n ke nè á, doobulege kayai nan danné loo joo tede tà le Jésu.

Jean 9:24

Pharisienge tel ɓari doo ke kété è njèkumtɔ nga dejii tà nja karé ɓai edi nè: – I tam kerɔte non Nube’t. Dingem nè nga, jè ɓaa jè ger titeke è njè ra majelé.

Nyanra Njekawkulege 14:4

Dooge ke kêm ɓee-bò’t nè nga kayai nan danné joo: njé ke nange umi gir Juipge’t a, njé ke nange osoi gir njékawkulege’t a tɔ.