Jean 9:10 - Nouveau Testament en Gulay 2004

¹⁰ Dé deje’n d’ede nè: – A ɓaa, i ra titeke bain á kumi teen ade an’n loo wa?

Jean 9:10 ပူးပေါင်းရင်းမြစ်များ

Marc 4:27

Loo ke doo nè tò ɓi éké ɔge kum’n ɓi ndɔ a, kada a géa, ko nyan ke è dubu nga in se dè ra’n tɔge ke kété-kété anje kade doo nè ger gir.

Jean 3:9

Nicodème tel deje Jésu ede nè: – Ké doo asekum ra nyange nè nga titeke bain wa?

Jean 6:1

Go’t gugu, Jésu ɔte aw gide ba ke ɓeekon ke Galilée. Ba nè nga ri’n nè Tibériade.

Jean 9:11

Njèkumtɔ ile dooge dè’t ede nè: – Dingem ke dé ɓar’n Jésu á loin nang uje kum’t ɓaa, è ede’m ede nè: «Aw i togo kumi se mann ke ri’n nè Siloé.» Ke loon’t nè kuwe m’ɔte m’aw danné m’togo kum’m ɓaa, kum’m an loo njai-njai.

Jean 9:15

Pharisienge ke le de tɔ, deji dingem ke kété è njèkumtɔ nga edi nè: – Ké i ra titeke bain á kumi teen ade an’n loo wa? E ile de dè’t ede nè: –Dingem nè nga loin nang uje kum’t labat. Taɓai loo ke m’aw togo kum’m ɓaa, ɗarinè m’an loo njai-njai ta.

Jean 9:21

Nè se go rebe ke ra an’n loo ɗarinè, jè jè ger lé. Doo ke njèkade kum’n teen ade an’n loo nga géa jè ger’n lé a tɔ. I dejii è kuwe adi ɔrgir nyan ke ɔje dè’n ade ooi tede è doo ke tɔge kang-kang ɓá ta.

Jean 9:26

Pharisienge teli deji dingem ke kété è njèkumtɔ edi nè: – Ké ri á ndɔ ke doo nè ra sei wa? Ké n’ade kumi teen ade an’n loo titeke bain wa?

Jean 9:9

Njé ke nange edi nè: – E n’ee nga kuwe. Njé ke rang edi nè: – Ḿ-m̀, è doo ke rang á tanan seyé karè. Nè njèkumtɔ nè kuwe tam ndàt dè rann’t ede nè: – E man nga kuwe.

1 Nje Ke Corinthe 15:35

Nè bainléa doo karé à deje kede nè: «Ké njé ke koo à undei loo teei titeke bain wa? Ké à undei loo teei se ra de ke bain wa?»