Jean 8:6 - Nouveau Testament en Gulay 2004

⁶ Dé tam tàge nè nga titeke bè d’an-in’n kêm Jésu tede kile’n tà dènn’t. Nè è ule dè’n nang, tuje nyan nang se ngonn ji’n.

Jean 8:6 ပူးပေါင်းရင်းမြစ်များ

Matthieu 10:16

An-in! man m’ule sei titeke doo ule’n batege dann bise-kɔrge’t bè. Undei kumkunju dè ra si’t asenan se lige bè a, adi kêm si nda káng-káng tite der-ndage bè a tɔ.

Matthieu 15:23

Nè Jésu ile’n dè’t lé. Njékuwe-girnge reei edi nin edi nè: – I rɔyé ade n’aw tede n’non go jéi’t ɗêl-ɗêl ngain.

Matthieu 16:1

Pharisienge se Saddusienge reei ra Jésu’t nain kêm’n. Ei deji nin le kade ra nyankɔbe ke gai ke in danrán ade n’an-in tá n’a n’geri titeke è Nube kuwe á ule’n.

Matthieu 19:3

Pharisienge reei ra Jésu’t le ndon tà’n se tà. Ei deji nin edi nè: – Ké dingem asekum mbate neen’n tede tà le nyan ke rara géa wa?

Matthieu 22:18

Nè Jésu ger kêmyêr le de mbak ɓá. E tam se de ede nè: – Sei njékede gosge, ké bain á uyei gum nonm’t wa?

Matthieu 22:35

E ke karé dann de’t è njèndó dooge gute-ndu Nube deje Jésu tà karé le kuye’n gum nonn’t ede nè:

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Marc 10:2

Pharisienge ke nange reei ra Jésu’t deji nin edi nè: – Ké gute-ndu inye loo ade dingem kade mbate neen’n wa? Dé deje’n titeke bè le koo’n tà ke se go rebe’n lé ke à tee tànn’t.

Marc 12:15

Nè Jésu ger kede gos le de mbak ɓaa, è deje de ede nè: – Ké bain á ulei kêm’m wa? E ede de ede nè: – I reei se nar kule ke ndɔ karé nga adi man!

Marc 3:2

E ndɔ taa kebe. Dooge kêm kei kebe nan’t undei kum de lêr -lêr le kan ké Jésu ayé kaje dingem nè nga se ndɔ taa kebe wa? Dé ra titeke bè le kile’n tà dènn’t.

Marc 8:11

Pharisienge reei ra Jésu’t, ei unni gir naji se’n tà. Ei deji nin le kade ra nyankɔbe tɔje’n de titeke tɔgmong le’n nga in danran ra Nube’t kuwe. Dé ra titeke bè le nan’n kêm’n.

Tà ke Maje ke Luc ndang 10:25

Njèkɔrgir gute-ndu Nube karé bè ɔse nang in dɔ, unn tà deje Jésu an-in’n kêm’n ede nè: – Njèndó dooge nyan, ké ri á m’a ra ɗarinè le kinge’n ndikumgajer ke à tò se non nga wa?

Tà ke Maje ke Luc ndang 11:16

Njé ke rang ulei kêm Jésu le kade ra nyankɔbe tɔje’n de titeke tɔgmong le’n nga in ra Nube’t danrán kuwe.

Jean 8:2

Nè loo ke loo à ar ɓai ɓaa, è tel aw kêm kei’t le Nube. Kosdooge malang reei rann’t. E tête ra’n ndi nang unn gir ndó de nyan.

1 Nje Ke Corinthe 10:9

Ade jè nan-in kilekêm le Kuwe-ɓee titeke ndɔ ke njé ke nange dann de’t nan-in nin nga lé. Njé ke ndɔ ke nan-in kilekêm le Kuwe-ɓee nga, lige ton-in de tɔli de kɔke.