Jean 8:55 - Nouveau Testament en Gulay 2004

⁵⁵ Sei ɓaa i geri Nube lé, nè man ɓaa m’ger’n. Ke nè á m’tam m’ede nè m’ger’n lé ɓaa, m’ayé k’ee njè tà lanm titeke sei bè tɔ. Nè man ɓaa, m’ger’n, gir’n ke nè á m’an’n dè tà le’n sêw-sêw.

Jean 8:55 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 10:15

Bɔ’m ger’m tede man géa m’ger’n a tɔ. Gir’n ke nè m’ile’n ra’m kɔke tede le batege le’m.

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 6:46

Doo karé bè ke an Bɔ’m Nube nga goto. Nè man ke m’in rann’t kuwe karé á m’an’n.

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

Jean 8:29

E ke njèkule’m nga, è se’m nan’t. E inye’m se kar’m lé tede m’ra nyange ke taa kum’n se ndɔ’m-ndɔ’m.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Jean 8:51

Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Jean 8:52

Juipge edi Jésu edi nè: – Ɗarinè jè ger titeke kumen tò kêmi’t kerɔte kuwe. Abraham wei ɓá, njéribe-dè-tàge ke tà Nube’t géa weii ɓá a tɔ. Nè i ɓaa i tam ede nè: «Ke nè á doo karé an dè tà le’m sêw-sêw ɓaa, yo à tɔl’n ndan lé.»

Nyanra Njekawkulege 17:23

Kerɔte kuwe, loo ke m’a m’dere kêm ɓee-bò’t le si nga, m’ter nyange ke sei i ɗɔyi de nga ɓaa, m’tee dè ɗinger loo nyankuje-mese karé ke dé ndang nyan dè’t d’ede nè: «Nube ke doo ger’n lé.» E Nube ke sei i ɗɔyi nin nal ger’n nè nga kuwe á m’ree le kede sei tà le’n ɗarinè.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

1 Jean 1:6

Ke nè á jè tami j’edi nè j’umi nan’t nan’t bɔk se Nube nè jè njiyei dann tilkus’t kêl karé ɓai ɓaa, jè tami tà lanm nal ra ngarankum nyan se ndɔge malang.

1 Jean 2:22

Doo ke naje se ra’n ede nè Jésu è Krist lé nga, ké è njè tà lanm lé ɓai wa? Doo ke titeke bè nga, è njè kɔse tà se Krist tede è naje se ra’n dè Bɔ jéi Nube’t a, dè Ngonnenn’t a tɔ.

1 Jean 2:4

Doo ke tam ede nè n’ger Nube, nè an dè ndukunn le’n sêw-sêw lé ɓaa, è njè lanm. Ngarankum tà nga géa urkei kem̂n’t lé a tɔ.

1 Jean 5:10

Nanan ke unde kem̂’n dè Ngonn Nube’t ɓaa à taa tà ke Nube tam ɔje’n dè Ngonn’n. Nè nanan ke unde kem̂’n dè Nube’t lé ɓaa, tel Nube ke njè lanm, tede è taa tà ke Nube tam ɔje’n dè Ngonn’n nga lé.

Lookilera’n 3:9

An! njé ke kem̂ kei kebe nan’t le Sú tami edi nè n’ei Juipge. Nè ei lanmi karè m ei Juipge ke get lé. M’a m’ade d’ade ree le kɔse keje de nang noin’t a, d’ade ger titeke m’tári a tɔ.