Jean 8:54 - Nouveau Testament en Gulay 2004

⁵⁴ Jésu ile de dè’t ede nè: – Ke nè á man kuwe m’ndi sang riɓar se dè ra’m ɓaa, riɓar le’m è nyan ke raikarè. Bɔ’m ke sei tami edi nè: «E Nube le si» nga á è njèkule ndubra dèm’t.

Jean 8:54 ပူးပေါင်းရင်းမြစ်များ

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 5:41

Man m’aw ndoo riɓar ke in ra dooge’t lé.

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Jean 8:41

Nè sei i rai nyan ra bɔ si tcha-tcha. Juipge teli edi Jésu edi nè: – Jè nga, dé tò se nan ke kaiya’t á d’oje’n jè lé. Nè Nube kuwe karé bere luk-luk á è Bɔ jé.

Jean 8:50

Man m’sang riɓar ke ɔje dè’m lé. Nè njèsang riɓar se njègangtà ke ɔje dè’m ndi non.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

2 Nje Ke Corinthe 10:18

Doo ke an ra’n è kuwe ke nyan nga, è ngarankum doo lé ɓai. Doo ke Kuwe-ɓee kuwe pite’n tá è ngarankum doo ɓai.

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

2 Pierre 1:17

Jésu-Krist oo ndu Nube njè ndubra ke bò loo ke ndɔ ke inge’n inge’n riɓar se ndubra ra Bɔ’n Nube’t. Ndɔ ke Nube tam nè: «E nè nga è Ngonn kem̂’m ke m’tár’n ngain a, ra’m nel’m dènn’t ngain a tɔ.»