Jean 8:51 - Nouveau Testament en Gulay 2004

⁵¹ Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Jean 8:51 ပူးပေါင်းရင်းမြစ်များ

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Tà ke Maje ke Luc ndang 2:26

Nube ade Ndil-Kêmnda ede Siméon kété titeke ayé kwei lé sár kade an Kuwe-ɓee Krist ke Nube ule’n nga se kum’n ɓita.

Jean 14:23

E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

Jean 15:20

Adi kêm si olé dè tà ke kété m’ede sei’t nga: «Ɓer bòi dum dè kuwe’n lé.» Ke nè á dooge rai kum’m ndoo ɓaa, sei géa à rai kum si ndoo tɔ. Ke nè á ei an-in dè tà le’m sêw-sêw ɓaa, sei géa à an-in dè tà le si sêw-sêw tɔ.

Jean 17:6

Njé ke i tɔr de dann dooge ke dè nang nè um de jim’t nga, m’ribe se de rii m’ade geri nin ɓá. Dé nè nga, dé leige kuwe kété ɓita ade’m se de ɓai. Tà lei ke m’ndó de nga, d’an dè sêw-sêw.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:50

E ke nè á è mapa ke in danrán. Nanan ke use mapa nè ɓaa à wei ndan lé.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Jean 8:52

Juipge edi Jésu edi nè: – Ɗarinè jè ger titeke kumen tò kêmi’t kerɔte kuwe. Abraham wei ɓá, njéribe-dè-tàge ke tà Nube’t géa weii ɓá a tɔ. Nè i ɓaa i tam ede nè: «Ke nè á doo karé an dè tà le’m sêw-sêw ɓaa, yo à tɔl’n ndan lé.»

Jean 8:55

Sei ɓaa i geri Nube lé, nè man ɓaa m’ger’n. Ke nè á m’tam m’ede nè m’ger’n lé ɓaa, m’ayé k’ee njè tà lanm titeke sei bè tɔ. Nè man ɓaa, m’ger’n, gir’n ke nè á m’an’n dè tà le’n sêw-sêw.

Hebreuge 11:5

Takul kundekem̂ á d’ɔr’n Hénok njêl d’aw’n se’n ra Nube’t anje kaw se rebe ke ra yo’t. Doo karé géa tel inge Hénok gugu lé tede è Nube kuwe unn’n aw se’n unde’n kɔtenn’t. Kété ɓita kade d’ɔr’n njêl d’aw se’n nga, Magtub ke tò se ninn’n tam titeke Hénok taa kum Nube.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.