Jean 8:46 - Nouveau Testament en Gulay 2004

⁴⁶ Ké nan dann si’t asekum tɔje’m majelé ra’m wa? Ke nè á m’tam ngarankum tà ɓaa, ké bain á undei kêm si dèm’t lé wa?

Jean 8:46 ပူးပေါင်းရင်းမြစ်များ

Matthieu 21:25

Ké kule ke Jean ule dooge manné njonm nga, gir’n in ra wa? Ké gir’n in ra Nube’t éké in ra dooge’t wa? Dé murin tà kêm de’t d’ede nè: – Ke nè á j’edi nè: «Gir’n in danran» ɓaa, n’a tel deje jèi kede nè: «A ɓaa, bain á umi kêm si dènn’t lé wa?»

Marc 11:31

Dé murin tà dann de’t d’ede nè: – Ké j’à kilei n’ee dè tà’t kedi nè ri wa? Ke nè á j’à j’ilei n’ee dè’t kedi nè: Gir’n in danrán ra Nube’t ɓaa, n’a n’deje jèi kede nè: A ɓaa ké bain á umi kêm si dè tà’t le Jean lé wa?

Jean 14:30

M’a m’ɔje se si tà ngain lé ta, tede ngar ke njèkonɓee dè nang nè à ree non ta. Kerɔte kuwe, è ase ra se’m nyan karé bè lé.

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 16:8

Loo ke è njè ra se si nga à ree ɓaa, à ade kum dooge ke dè nang nè à gang dè kaiya’t le de se dè nyan ra ke se dè naje’n a, se dè gangtà’t a tɔ.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 8:47

Nanan ke è le Nube ɓaa à ur mbi’n le koo’n tàge le Nube. Nè sei uri mbi si ooi tàge le Nube lé, tede sei sei lennge lé.

Jean 8:7

Titeke njékɔrgir gute-nduge se Pharisienge deji Jésu tà ke kété kété nga, è in ndi dè rann’t ede de ede nè: – Maje kade doo karé dann si’t ke ra majelé nja karé lé unn kuberi her ile’n dinye nè nga kété ade j’an-in.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Hebreuge 4:15

Kerɔte kuwe, maw njèkuje nyan-mese le jéi nga ase ra se jéi dè yaige’t le jéi kuwe. Loo ke ndɔ nain dè nang nè ɓai nga, nyange nan’n titeke nan’n jéi bè tɔ, nè è ute kaiya mbeng.

Hebreuge 7:26

Jésu nga è maw njèkuje nyan-mese ke j’awi ndoo’n. E tò se ninn’n gai, tà karé géa uwe dè’n lé a, nyan ke mine karé géa ɓar ri’n lé a tɔ. E ɔr ra’n ndi mbeng se njé ra majelége a, Nube unn’n unde’n dɔ mbeng dè nyange’t malang a tɔ.

1 Pierre 2:22

Loo naje’n goto. Krist nga ndɔ ke ra kaiya karé bè lé a, tà libe kum doo tee tànn’t ndɔ karé bè lé a tɔ.