Jean 8:44 - Nouveau Testament en Gulay 2004

⁴⁴ Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Jean 8:44 ပူးပေါင်းရင်းမြစ်များ

Matthieu 12:34

Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 13:15

Oiyo, dè ɓengre kosdooge nè nga nder ɗàk-ɗàk. Dé njé kunn mbi de dè tàge’t nga, d’utu kum de nám-nám nè bainléa n’a kan-in loo, dé tɔse mbi de ká-ká dé tɔ nè bainléa n’a kooi tà. D’ade ɓengre de nder ɗàk-ɗàk, nè bainléa n’a geri tà nè nga kade n’ɔsi wan n’teli ke ram’t le kade m’aje’n dé.» Tà nè nga aw loon’t deĵ.

Matthieu 13:38

Ndɔr nga è dè nang nè. Njar ko ke maje nga, è njé ke ndigi le kade Nube on ɓee dè de’t. Jer nga è njé ke ndigi le kade njèkêm majelé on ɓee dè de’t.

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Jean 8:38

Man m’ede sei tà nyange ke m’an ra Bɔm’t, nè sei ɓaa, i rai nyange ke an-in ra bɔ si’t.

Jean 8:41

Nè sei i rai nyan ra bɔ si tcha-tcha. Juipge teli edi Jésu edi nè: – Jè nga, dé tò se nan ke kaiya’t á d’oje’n jè lé. Nè Nube kuwe karé bere luk-luk á è Bɔ jé.

Jean 8:55

Sei ɓaa i geri Nube lé, nè man ɓaa m’ger’n. Ke nè á m’tam m’ede nè m’ger’n lé ɓaa, m’ayé k’ee njè tà lanm titeke sei bè tɔ. Nè man ɓaa, m’ger’n, gir’n ke nè á m’an’n dè tà le’n sêw-sêw.

Nyanra Njekawkulege 13:10

– An! i ke tà sú se nyanra ke majelé taa rai pel-pel. I ngonn le sú, i njèban le nyanra ke se dè naje’n malang. Rebege le Kuwe-ɓee ke ndai jap nga ke i uwe de i ɗuge de ngong-ngong, ké ndɔ ke ra á i a ebe rai dè’t wa?

Nyanra Njekawkulege 24:9

Juipge osoi gir Tertullus’t edi nè tà le’n è kum kuwe.

Nyanra Njekawkulege 5:3

Nè Pierre deje Ananias ede nè: – Ananias ke bain á inye loo ade Sú tà loo ke dè ɓengrei’t ɔge wa? I ede Ndil-Kêmnda tà lanm, tede ɔr’n tà nar loo lei ndêin bè tá i ree’n.

2 Nje Ke Corinthe 11:3

Titeke ndɔ ke li ra’n gos sú’n kum Eve nga, m’ɓel kade tàgir le si tel tur gide’n ade noje kêmnda ke Krist uwe se si.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

2 Pierre 2:4

Dooge ke danrán ke ndɔ ke rai majelé nga, Nube ngonm de rann’t lé. Nè è inye de ade dé tɔ de se sul d’um de kem̂ bolè ke ndul ndin-ndin ngine’n ndɔ gangtà.

1 Jean 1:8

Ke nè á jè tami j’edi nè jè rai kaiya lé ɓaa, jè súi kum ra jéi jèi kuwe a, ngarankum tà goto kem̂ jéi’t a tɔ.

1 Jean 2:21

M’ndang magtub nè m’ade sei tede ger ke i geri ngarankum tà lé lé. Nè m’ndang magtub nè m’ade sei tede ger ke i geri ngarankum tà a, i geri titeke tà lanm karé bè géa in ra ngarankum tà’t lé a tɔ.

1 Jean 2:4

Doo ke tam ede nè n’ger Nube, nè an dè ndukunn le’n sêw-sêw lé ɓaa, è njè lanm. Ngarankum tà nga géa urkei kem̂n’t lé a tɔ.

1 Jean 3:12

Ade jèi tite Cain bè lé. Cain nga ndo ke è doo le njè kem̂ majelé. Gir’n ke nè á ndɔ ke uje’n kɔbe ngokon’n. Ké ri á è gir kade ndɔ ke uje’n kɔbe ngokon’n wa? E uje kɔbe ngokon’n tede nyanra’n ke majelé, nè nyanra ngokon’n á è se dè naje’n.

1 Jean 3:15

Taɓai nanan ke ɔr ngokon’n njêt ɓaa, è njè tɔl doo. Sei geri mbak titeke njè tɔl doo nga ndikumgajer urkei kem̂n’t ndan lé.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 22:15

Nè njé ra nyan rasɔlge se njé ra nyan mbelige se njé tò se nan ke kaiya’tge se njé tɔl dooge se njé polé magege a, se njé ndige tà lanm éké tami tà lanm se ndɔ de, ndɔ de a tɔ nga, à nain-in gide ɓee-bò’t nata.

Lookilera’n 9:11

Ngar le bêteĝe nè nga è doo karé ke ndi kem̂ bolè ke son’n goto. Ngar le de nga, ri’n tà Hébreu nè «Abaddon», ke se tà grec ɓaa è «Apollyon», tel se tà koje jéi è «Njè tɔ ko dooge.»