Jean 8:42 - Nouveau Testament en Gulay 2004

⁴² Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Jean 8:42 ပူးပေါင်းရင်းမြစ်များ

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 12:49

E man kuwe á m’in se dè ra’m m’tam tàge nè nga lé, nè Bɔ’m ke njèkule’m kuwe á unn ndu’n ade’m ɔje dè tàge ke kum tam se kile mber’n a tɔ.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Jean 5:43

Man m’ree se ri Bɔ’m nè sei uwei man ke ra si’t lé. Nè ke nè á doo karé ke rang kuwe in se dè’n ree ɓaa, è nè tá uweii ke ra si’t.

Jean 8:14

Jésu tel ile Pharisienge dè’t ede nè: – Né m’tam tà m’ɔje’n dè ra’m man kuwe géa, kɔrgo tà le’m man nga, è ngarankum kɔrgo tà kuwe tede m’ger loo ke m’in tutu á m’ree a, m’ger loo ke m’a m’aw ke tutu a tɔ. Nè sei ɓaa, i geri loo kin-in’m éké loo kaw’m lé a tɔ.

1 Nje Ke Corinthe 16:22

Ke nè á doo karé ndige Kuwe-ɓee Jésu lé ɓaa, maje kade Nube ɔr’n kɔke dann kosdooge’t le’n. Marana tha, Kuwe-ɓee le jé ree!

Nje Ke Galatie 4:4

Nè loo ke dè kurloo ke Nube ɔje ase deĵ ɓá ɓaa, Nube ule Ngonn’n. Ngonn’n nga dinye á oje’n a, ndi gir gute-ndu’t a tɔ.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.