Jean 8:39 - Nouveau Testament en Gulay 2004

³⁹ Juipge teli edi Jésu edi nè: – Kà jé jè nga è Abraham. Jésu tel ede de ede nè: – Ke nè á sei ngannkà Abraham kerɔte ɓaa, né ayé rai nyanra Abraham.

Jean 8:39 ပူးပေါင်းရင်းမြစ်များ

Matthieu 3:9

I piti ra si sei edi nè: «Jè jè ngannkà Abraham.» Man m’ede sei ndàt, kuberi herge ke tooi nè nga Nube asekum tel de ke ngannkà Abraham karè.

Matthieu 5:45

Ke nè á i rai titeke bè ɓaa, a teli k’ei ngann Bɔ si Nube ke ndi danrán kuwe. E ade kàde le’n ube dè njé ra nyan majelége se njé ra nyan majege’t a tɔ. E ade ndi ede dè njé ra nyan se dè najennge se dè njé ra nyan se dè naje’n lége a tɔ.

Jean 8:33

Dé tel d’ede Jésu d’ede nè: – Jè jè ngannkà Abraham. Ndɔ karé jè ra ɓer le doo ndan lé ɓai. Ké bain á i tam ede nè: J’a tel ndi dè jè pal wa?

Jean 8:37

Sei ngannkà Abraham ade m’ger kuwe. Nè i sangi le kade dé tɔl’m tede tà le’m ke urkei kêm si’t lé.

Jean 8:43

Sei unni mbi si dè nyange ke m’ndó sei, gir’n ke nè á sei asikum ger girtàge le’m lé.

Jean 8:56

Kà si Abraham nga ndɔ ke ra ranel kêmn’t tede le kan ndɔ ree le’m. Ndɔ ke è an ndɔ nè nga se kum’n a, ra ranel dè’t ngain a tɔ.

Nje Ke Rome 4:12

Abraham tel è bɔ njékuje tà mɔte dege nga tɔ. E bɔ njé ke d’uje tà mɔte de ɔje dè danra karè lé, nè njé ke unni dè nja kundekêm le’n. Bɔ jéi Abraham nga, ndɔ ke unde kêm’n dè Nube’t kété pa ɓita d’uje tà mɔte’n ɓai.

Nje Ke Rome 4:16

Titeke bè ɓaa, kunn-ndu nè nga tò ɔje dè kundekêm tede le kade è nyan-noje le Nube. Kunn-ndu nè nga tò njáng tede le ngannkà Abrahamge malang. Kunn-ndu nè nga è tede le njé ke ilei koje dè gute-ndu’t á se kar de lé, nè è tede le njé ke undei kêm de dè Nube’t tite bɔ jéi Abraham bè tɔ.

Nje Ke Rome 9:7

Dooge malang ke d’oje de girkà’t le Abraham nga, ei ngann le Abraham ke get mbak lé. Ndɔ ke Nube ede Abraham ede nè: «Ngannkàige ke ndɔ ke m’unn’n ndu’m m’adi nga à inge de se rebe ke ra Isaac’t.»

Nje Ke Galatie 3:29

Ke nè á sei le Krist ɓaa, sei girkà le Abraham, sei njé kinge nyan-ndubege titeke ndɔ ke Nube unn’n ndu’n ade’n.

Nje Ke Galatie 3:7

Ooi tà nè maje i geri: Njétaakem̂-Kristge à ei ngann le Abraham ke gete.