Jean 8:34 - Nouveau Testament en Gulay 2004

³⁴ Jésu tel ede de ede nè: – Kerɔte kuwe, man m’ede sei ndàt, nanan á ke inye ra’n nyein dann kaiya’t se ndɔ’n-ndɔ’n ɓaa, è ɓer le kaiya kuwe.

Jean 8:34 ပူးပေါင်းရင်းမြစ်များ

Matthieu 5:18

Kerɔte kuwe, man m’ede sei ndàt, nyange ke ndêin-ndêin ke dé ndang kêm magtub gute-ndu ke mari’t nga, karé bè géa à goto lé sár kade danran se dè nang à gotoi pa ɓita.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Nyanra Njekawkulege 8:23

I nga man titeke wurkate taa rai pel-pel a, nyanra ke pás-pàs tɔi njanm-njanm a tɔ.

Nje Ke Rome 6:12

Danra ke ndɔn’t à wei nga adi kaiya tel on ɓee dènn’t ndan lé ta. I teli i turi ra si go ngur nyange’t ke ɔje dè danra si nga ndan lé a tɔ.

Nje Ke Rome 6:16

Sei geri mbak: titeke nè á sei kuwe i rai ra si ɓer le kile koje dè doo karé’t ɓaa, sei ɓerge le doo nè nga kuwe. Doo ke ilei koje dènn’t nga è kuwe si. Ke nè á i rai ra si ɓer le kaiya ɓaa, kaiya à um sei tà yo’t. Ke né á i rai ra si ɓer le Nube ɓaa, Nube à ɔr tà dè si’t tede koje ke ilei dènn’t.

Nje Ke Rome 6:6

Jè ger titeke danra jéi ke mari nga, dé tɔl’n se Jésu nan’t kade kage-ke-dese’t le kade danra ke majelé ke ur sire tutu nga tel unde nang ndagja. Gir’n ke nè á jèi ɓerge le kaiya gugu lé ta.

Nje Ke Rome 7:14

Jè geri titeke gute-ndu è nyan le Ndil. Nè man ɓaa, m’ee nyan le danra. Danra ige’m ade majelé on ɓee dèm’t.

Nje Ke Rome 7:25

M’ra Nube oiyo tede taa ke taa’m ji danra’t takul kuwe jéi Jésu-Krist. Tàgir ke kêm’t kei ndi ra ɓer le gute-ndu Nube, nè danra’m ndi ra ɓer le gute-ndu ke sɔbe dè majelé ke on ɓee dèm’t.

Nje Ke Rome 8:21

Nyange malang ke Nube unde de nga, d’a d’ɔr de kêm ɓee ɓer’t le nyanra ke bann-bann le kade orèi nan se ngann Nube dè ndii dè pal ke deri.

Nje Ke Ephese 2:2

Kété mari sei njiyei se go nyanrage le dooge ke dè nang nè. Sei ndolèi go ngar le ndilge ke majelé ke njèkonɓee dann danrán’t se nang nè. E nè nga è ndil ke majelé ke ndi sule gir ngann njé dum nange ɗarinè.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

2 Pierre 2:19

Dé dooge nè nga, d’unn ndu de d’ade njé ke ɔri ra de dann njé ndemge’t ngɔr nè ɓai nga, d’ede de titeke n’a n’adi à ndii dè de pal. Nè dé kuwe géa, dé ɓerge le nyange ke à tuji de. Kerɔte kuwe, nanan géa è ɓer le nyan ke dum dè’n.