Jean 8:32 - Nouveau Testament en Gulay 2004

³² Sei a i geri ngarankum tà nga a, ngarankum tà nga ade a i ndii dè si pal a tɔ.

Jean 8:32 ပူးပေါင်းရင်းမြစ်များ

Matthieu 11:29

Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 16:13

Loo ke Ndil ke get à ree ɓaa, è à ɔr non si dann ngarankum tà’t bere mbak. E à kin se dè ra’n kede sei tà lé. Nè à ede sei tà nyange ke à oo a, tà nyange ke ndii à reei ɓai a tɔ.

Jean 17:17

Bɔ’m, i tɔr de unde de se ninn’n se go ngarankum tà tede tà lei è ngarankum tà.

Jean 6:45

Njéribe-dè tàge ke tà Nube’t ndangi tà kêm Magtub’t le’n edi nè: «Nube kuwe á è njèndó dooge malang nyan.» Doo ke rara ke ur mbi’n oo’n tà le Bɔ’m a, inyei ra’n ade ndó’n nyan a tɔ ɓaa, doo nè nga à ree ram’t.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Jean 8:36

Ke nè á man Ngonn á m’ade i ndii dè si pal ɓaa, a i ndii dè si pal kerɔte kuwe.

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

Nje Ke Rome 8:15

Ndil ke sei ingei nga à ra sei ɓer kade i teli osoi dann ɓel’t lé ta, nè à tel sei ke ngann Nube. Takul Ndil nè á jè ɓari Nube j’edi nè: «Abba!» tel se tà koje jé ɓaa è «Ɓɔ jé!»

Nje Ke Rome 8:2

Ɗarinè jè ndii kumgajer gir gute-ndu’t le Ndil-Kêmnda takul kum ke j’umi nan’t bɔk se Jésu-Krist. Gute-ndu le Ndil-Kêmnda nga ɔr’m ɓee ɓer’t le majelé ke aw se’m ke tà yo’t.

1 Nje Ke Corinthe 7:22

Doo ke è ɓer kété pa ɓita Kuwe-ɓee ɓar’n nga, tel è doo le Kuwe-ɓee ke ndi dè’n pal. Doo ke ndi dè’n pal kété pa ɓita Kuwe-ɓee ɓar’n nga tel è ɓer le Krist tɔ.

Nje Ke Galatie 5:1

Krist taa jèi ji ɓer’t inye jèi dɔ ɗarinè tede le kade jè ndii dè jéi pal kerɔte. I ndai dè nja si’t njáng m adi dé tel d’ile kule ɓer kɔbe si’t gugu lé ta.

Nje Ke Galatie 5:13

Ngakonmge, sei nga dé ɓar sei le kade i ndii dè si pal. Nè maje kade edi gos dè ndi dè pal’t nè nga le ra’n nyange le danra karè lé. I rai ɓer le nan tede tár ke sei tári nan nga.

2 Timothee 3:7

Dé dinyege nè nga, dé ndó nyan se ndɔge malang nè d’asekum ger ngarankum tà nga lé.

Jacques 1:25

Nè doo ke ter gute-ndu ke maje ɔr njêt ke njè kade jè ndii dè jéi pal nga, nda dè’t njáng ra nyan’n, oo ade kem̂’n wei nal sêl dè’t lé ɓaa, doo nè nga ra’n à nel’n dè kule rann’t kuwe.

Jacques 2:12

Bè ɓaa, i tami tà á in-in i rai nyan’n a tɔ. Sei sei dooge ke d’a gangtà dè si’t se go gute-ndu ke ade i ndii dè si pal nga gar-gar.

1 Pierre 2:16

I njiyei asinan se dooge ke ndii dè de pal. Edi gos dè ndi dè pal’t le ra’n nyange ke majelé lé. Nè sei i ndii dè si pal le ra ɓer le Nube.

2 Jean 1:1

Man ngatɔge doo nga, m’ndang magtub nè m’adi i Kyria se ngannige. I nga i dinye ke d’undei se ninn’n gai. I se ngannige malang nga, m’tár sei kerɔte kuwe. E man á m’tár sei se kar’m lé, nè dooge malang ke geri ngarankum tà nga géa tári sei tɔ.