Jean 8:31 - Nouveau Testament en Gulay 2004

³¹ Jésu ede Juipge ke undei kêm de dènn’t ede nè: – Ke nè á sei nain-in dann tà’t le’m ɓaa, sei njékuwe-girmge kerɔte kuwe.

Jean 8:31 ပူးပေါင်းရင်းမြစ်များ

Matthieu 24:13

Nè nanan ke nda dè njann’t njáng sár ndɔ ke ngeinn’t ɓaa, d’a d’aje’n.

Jean 1:47

Loo ke Jésu an Nathanael à ree ke rann’t ɓaa, è tam tà ɔje’n dè’n ede nè: – An! ngonnkà Israel ke è ngarankum doo nga. E njè sú kum loo lé.

Jean 2:2

Jésu se njékuwe girnge géa, dé ɓar de loo ra nan taa nan’t nè nga tɔ.

Jean 6:55

Danra’m nga è ngarankum nyankuse a, mese’n è ngarankum nyankain a tɔ.

Jean 8:36

Ke nè á man Ngonn á m’ade i ndii dè si pal ɓaa, a i ndii dè si pal kerɔte kuwe.

Nyanra Njekawkulege 13:43

Loo ke gir kebe nan gang ɓá ɓaa, Juipge ngain se njé ke ei Juipge lé ke ɗɔyi Nube ndoléi go Paul se Barnabas. Paul se Barnabas oji se de tà a, ndeji de le kade dé liger dè noje’t ke Nube uwe se de ke kété.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nje Ke Rome 11:22

An! Nube è njè ra kêm-maje a, è njè ra ngang a tɔ. E ra ngang ngain se njé ke osoi. Nè i ɓaa, è ra sei kêm-maje. I géa, ke nè á unde kêmi dè kêm-maje’t le Nube lé ɓaa, d’ade tugei gangi tite balkum kage ke kêm ndɔr’t nè nga bè tɔ.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

1 Timothee 2:15

Nè né è bè géa, d’a d’ade dinye à aje loo koje ngannge’t ke nè á è nda njáng dè kundekem̂ se dè tár nan’t se dè ra ke unju nyang-nyang a, se dè nal ti ra’t a tɔ.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

2 Timothee 3:14

Timothée, i ɓaa, i liger lagr-lagr dè nyange ke ndɔ ke i ndó a, um kem̂i dè’t bɔk-bɔk. Dooge ke ndɔ ke ndói nin nyange nè nga, i ger de mbak.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Hebreuge 8:9

Mann-ra ke kige nè nga, è tite mann-ra ke kété m’mann’n ra’m m’ade kà dege kété ndɔn’t ke m’uwe’n de se ji’m m’ade undei loo teei nata kem̂ ɓeekon ke Egypte nga lé. Mann-ra ke kété nga kà dege ali dè. Gir’n ke nè á man géa m’inye’n go de tɔ.

Jacques 1:25

Nè doo ke ter gute-ndu ke maje ɔr njêt ke njè kade jè ndii dè jéi pal nga, nda dè’t njáng ra nyan’n, oo ade kem̂’n wei nal sêl dè’t lé ɓaa, doo nè nga ra’n à nel’n dè kule rann’t kuwe.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

1 Jean 2:24

Nè sei ɓaa, tà ke ndɔ ke ooi kété mari ke desêin nga, adi urkei kem̂ si’t. Ke nè á tà nè urkei kem̂ si’t ɓaa, sei umi nan’t bɔk se Krist a, se Bɔ’n Nube a tɔ.

2 Jean 1:9

Nanan ke nda njáng dè nyan-ndó’t le Krist lé á unn tà ke rang karè ile dè’t ɓaa, um se Nube nan’t bɔk lé. Nanan ke nda njáng dè nyan-ndó’t le Krist ɓaa, um nan’t bɔk se Nube a, se Ngonn’n a tɔ.