Jean 8:29 - Nouveau Testament en Gulay 2004

²⁹ E ke njèkule’m nga, è se’m nan’t. E inye’m se kar’m lé tede m’ra nyange ke taa kum’n se ndɔ’m-ndɔ’m.

Jean 8:29 ပူးပေါင်းရင်းမြစ်များ

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 3:15

Nè Jésu tel ile’n dè’t ede nè: – Inye ade m’ra ɗarinè. Ra nyan ke kêm Nube ndige tɔl mbas nga, tuwe jè ɗêw titeke bè. Jean inye Jésu ade ra titeke bè.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Jean 14:31

Nè maje kade dooge ke dè nang nè geri tite m’tár Bɔ’m. Gir’n ke nè á m’ra’n nyan malang se go ndukunn le’n. In-in dɔ ade j’awi loo ke rang’t.

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 16:32

An! kàde’n à ree, è ree ɓá a tɔ. D’ade sanrin sei karé- karé. Nanan géa à aw loo le’n-le’n, a inyei man se kar’m bere. Man se kar’m lé nè Bɔ’m è der-gir’m.

Jean 17:4

Man m’ile riɓar dèi’t dè nang nè ɓá ta. Kule ke i ade’m kade m’ra nga m’ɔr son’n njêt ɓá ta.

Jean 4:34

Jésu tel ile de dè’t ede nè: – Ra nyan ke kêm njèkule’m ndige a, kɔr son kule le’n ke um jim’t a tɔ á è mur le’m man.

Jean 5:30

Man m’asekum ra nyan karé se dè ra’m lé. M’gangtà se go tà ke m’oo. Gangtà le’m nga è se go rebe’n tede m’sang le ra nyan ke kêm man á ndige lé, nè nyan ke kêm’m ke njèkule’m á ndige.

Jean 6:38

Tede man nga m’in danrán m’ree le ra nyan ke kêm’m man á ndige lé, nè m’ree le ra nyan ke kêm njèkule’m á ndige.

Jean 8:16

Ke nè á m’gangtà géa, tà gang le’m è tà gang ke get tede man se kar’m lé nè Bɔ’m ke njèkule’m nga è se’m nan’t .

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

2 Timothee 4:22

Maje kade Kuwe-ɓee nain sei. Maje kade kem̂noje le Nube nain se si tɔ.

Hebreuge 4:15

Kerɔte kuwe, maw njèkuje nyan-mese le jéi nga ase ra se jéi dè yaige’t le jéi kuwe. Loo ke ndɔ nain dè nang nè ɓai nga, nyange nan’n titeke nan’n jéi bè tɔ, nè è ute kaiya mbeng.

Hebreuge 7:26

Jésu nga è maw njèkuje nyan-mese ke j’awi ndoo’n. E tò se ninn’n gai, tà karé géa uwe dè’n lé a, nyan ke mine karé géa ɓar ri’n lé a tɔ. E ɔr ra’n ndi mbeng se njé ra majelége a, Nube unn’n unde’n dɔ mbeng dè nyange’t malang a tɔ.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

1 Jean 3:22

Nyange malang ke jè kɔi Nube nga, j’à j’ingei tede kan ke j’an-in dè ndukunnge le’n sêw-sêw a, jè rai nyan ke taa kum’n a tɔ.