Jean 8:28 - Nouveau Testament en Gulay 2004

²⁸ Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Jean 8:28 ပူးပေါင်းရင်းမြစ်များ

Matthieu 24:5

Oiyo, dooge bule à unni ri’m le reei kedi nè: «Man nga kuwe m’ee Krist.» D’a tam bè le sú’n dooge bule kade ndemi.

Marc 13:6

Kerɔte kuwe, dooge bule à unni ri’m le tami kedi nè: «Man nga m’ee Krist.» D’a tam bè le sú’n kum dooge bule.

Tà ke Maje ke Luc ndang 21:8

Nè Jésu ede de ede nè: – Undei kumkunju dè ra si’t le kade dé sú kum si lé. Tede dooge bule à unni ri’m tam’n kedi nè: «E man nga kuwe á m’ee Krist.» «Ndɔ nain ngɔr.» I ndolèi go de lé.

Jean 11:42

Kerɔte kuwe man ɓaa, m’ger mbak tite oo ndu kɔ le’m se ndɔge malang. Nè m’tam tà nè nga tede tà le doobulege ke an-in dè’m girm nè, tede kade undei kêm de dèm’t titeke è i kuwe ule’m dè nang nè.

Jean 13:19

Ɗarinè, man m’ede sei tà nè nga kété ɓita kade nyan’n tee ɓai. Titeke bè á loo ke nyan’n à tee ɓaa, sei a kundei kêm si dèm’t titeke man Ngonn doo nga, m’ee Krist kerɔte kuwe.

Jean 16:10

Njè ra se si nga à ade kum de gang dè nyanra ke se dè naje’n tede m’ndi m’aw ke ra Bɔm’t. Sei a i teli kan-in man gugu lé ta.

Jean 18:32

Tà ke Jésu tam ɔje dè ɓer ke d’ayé ɓer’n kade kage-ke-dese’t nga aw loon’t deĵ.

Jean 19:18

E loo nè á Juipge adi njérɔge ɓeri Jésu tutu se dooge ke rang joo se’n ade ilei nin danné.

Jean 3:11

Kerɔte kuwe man m’edi ndàt, jè tam tà nyan ke jè ger a, j’ɔrgo tà nyan ke j’an se kum jé a tɔ. Nè sei taai tà ke j’ɔrgo j’ade sei nga lé.

Jean 3:14

Ndɔ ke kété Moise ra li nan tà kage’t dɔ kêm dile’t. Man Ngonn doo nga géa, gar-gar d’a ɓer’m dɔ titeke bè tɔ.

Jean 4:26

Jésu tel edé ede nè: – Man ke m’nda m’tam sei tà nè kuwe á man m’ee Krist nga.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 5:30

Man m’asekum ra nyan karé se dè ra’m lé. M’gangtà se go tà ke m’oo. Gangtà le’m nga è se go rebe’n tede m’sang le ra nyan ke kêm man á ndige lé, nè nyan ke kêm’m ke njèkule’m á ndige.

Jean 6:38

Tede man nga m’in danrán m’ree le ra nyan ke kêm’m man á ndige lé, nè m’ree le ra nyan ke kêm njèkule’m á ndige.

Jean 8:24

Gir’n ke nè á kété m’ede’n sei m’ede nè a weii dann kaiya’t le si. Ke nè á umi kêm si dèm’t titeke man m’ee Krist nga lé ɓaa, a weii dann kaiyage’t le si kerɔte kuwe.

Jean 8:27

Juipge geri titeke Jésu tam tà nè nga ɔje’n dè Bɔ’n lé.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 4:4

Nè né è bè géa, dooge ngain ke nange dann njé ke ooi tàge le de kété, teli ei njétaakêm-Kristge. Kɔr de ase aru dɔg loo mi.

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.