Jean 8:24 - Nouveau Testament en Gulay 2004

²⁴ Gir’n ke nè á kété m’ede’n sei m’ede nè a weii dann kaiya’t le si. Ke nè á umi kêm si dèm’t titeke man m’ee Krist nga lé ɓaa, a weii dann kaiyage’t le si kerɔte kuwe.

Jean 8:24 ပူးပေါင်းရင်းမြစ်များ

Matthieu 24:5

Oiyo, dooge bule à unni ri’m le reei kedi nè: «Man nga kuwe m’ee Krist.» D’a tam bè le sú’n dooge bule kade ndemi.

Marc 13:6

Kerɔte kuwe, dooge bule à unni ri’m le tami kedi nè: «Man nga m’ee Krist.» D’a tam bè le sú’n kum dooge bule.

Marc 16:16

Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Tà ke Maje ke Luc ndang 21:8

Nè Jésu ede de ede nè: – Undei kumkunju dè ra si’t le kade dé sú kum si lé. Tede dooge bule à unni ri’m tam’n kedi nè: «E man nga kuwe á m’ee Krist.» «Ndɔ nain ngɔr.» I ndolèi go de lé.

Jean 13:19

Ɗarinè, man m’ede sei tà nè nga kété ɓita kade nyan’n tee ɓai. Titeke bè á loo ke nyan’n à tee ɓaa, sei a kundei kêm si dèm’t titeke man Ngonn doo nga, m’ee Krist kerɔte kuwe.

Jean 3:18

Doo ke unde kêm’n dènn’t ɓaa, dé gangtà dènn’t lé. Nè doo ke unde kêm’n dènn’t lé ɓaa, dé gangtà dènn’t ɓá tede è unde kêm’n dè Ngonn Nube ke dagi’t nga lé.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 4:26

Jésu tel edé ede nè: – Man ke m’nda m’tam sei tà nè kuwe á man m’ee Krist nga.

Jean 8:21

Jésu tel ede Pharisienge ɓai ede nè: – M’a m’ɔte kaw, sei a sangi man pi, nè a weii dann kaiya’t le si. Loo ke m’a m’aw ke tutu nga, sei asikum kawi tutu lé.

Jean 8:25

Juipge teli deji Jésu edi nè: – Ké i nga i nan wa? Jésu tel ile de dè’t ede nè: – Tà ke m’ede sei kété loo kunn gir’t kule’t le’m nga kuwe, m’nda dè’t njáng sár ɗarinè ɓai.

Jean 8:28

Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Hebreuge 12:25

Kem̂ si dè ra si’t nè bainléa a kin-in mbati kooi tà tà Nube ke ndi ede sei tà’t nga. Kosdooge ke Israel ke ndɔ ke mbati kooi tà tà Moise’t ke njè kede de tà dè nang nè nga, ndɔ ke d’ade kure nyan ra de ɔde kum de. Jèi ɓaa, Nube ndi danrán nú á ede’n jèi tà. Jèi géa, ke nè á jè mbati kooi tà tànn’t ɓaa, kure nyan ra jéi à ɔde kum jéi dum le de ei nè ɓai m loo naje’n goto.

Hebreuge 2:3

Kaje ke bò nè nga, ke nè á j’an-in ke nyan lé ɓaa, ké tà à uwe dè jéi lé titeke bain wa? Kaje ke bò nè nga, Kuwe-ɓee kuwe unn gir kile mber’n kété ɓita njé ke ooi tà’n tànn’t se mbi de edi jèi ade aw go lenn’t deĵ ɓai.