Jean 8:22 - Nouveau Testament en Gulay 2004

²² Juipge deji nan edi nè: – Tam ke n’tanm n’ede nè: «Sei asikum kawi loo ke m’a m’aw tutu lé» nga, ké n’ee kuwe n’ayé tɔl rayé ta wa?

Jean 8:22 ပူးပေါင်းရင်းမြစ်များ

Jean 1:19

E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?

Jean 10:20

Njè ke nange bule dann de’t tami edi nè: – N’ee nga, kumen tò kêmé’t a, bile rayé a tɔ. Ké uri mbi si ooi ta leyé tede ri wa?

Jean 7:20

Doobulege teli ilei Jésu dè’t edi nè: – I kumen, ké nan dann jé’t á sang le kade dé tɔli wa?

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Jean 8:48

Juipge teli deji Jésu edi nè: – Tam ke jè tam kété j’ede nè i doo ke kêm ɓee-bò ke Samarie karè a, kumen tò kêmi’t a tɔ nga, ké è loon’t lé wa?

Jean 8:52

Juipge edi Jésu edi nè: – Ɗarinè jè ger titeke kumen tò kêmi’t kerɔte kuwe. Abraham wei ɓá, njéribe-dè-tàge ke tà Nube’t géa weii ɓá a tɔ. Nè i ɓaa i tam ede nè: «Ke nè á doo karé an dè tà le’m sêw-sêw ɓaa, yo à tɔl’n ndan lé.»

Hebreuge 12:3

Jésu nga géa njékaiyage utei nin mbeng, nè oré tà’n njak. I giri dènn’t ɓaa uti kum si parr m adi kem̂ si tête mann lé.

Hebreuge 13:13

Bè ɓaa, ade jè taai nyan rasɔl le’n j’otoi dè jéi’t j’awi jè tilei non’n gide loo ndi’t nata heb.