Jean 8:19 - Nouveau Testament en Gulay 2004

¹⁹ Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

Jean 8:19 ပူးပေါင်းရင်းမြစ်များ

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Jean 1:10

Lookar nè nga ndi dè nang nè kété mari. Nube ra nyange malang ke dè nang nè takul’n, nè né è bè géa dooge ke dè nang nè geri nin lé.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 7:28

Kêm ndɔn’t nè nga, Jésu in ndó dooge nyan kêm kei’t le Nube se ndu’n ke bòi ede nè: – Sei geri man mbak, loo ke m’in tutu nga géa i geri mbak a tɔ. E man kuwe m’in se dè’m m’ree lé. Nè Nube ke è njèkule’m ke get-get nga ɓaa, i geri nin lé mbeng kɔke.

1 Nje Ke Corinthe 15:34

Adi tàgir le si gang tchat. E ke nè á è nyan ke sêw ke kum ra. Ebi ra si ra majelé se ndɔge malang. Kerɔte kuwe, njé ke nange dann si’t geri Nube lé. M’tam bè m’ile’n rasɔl dè si’t.

Nje Ke Galatie 4:9

Nè ɗarinè sei geri Nube ɓá tede tár ke è tár sei nga. A ɓaa, ké bain á sei ɔsi wan i teli dè nyan-ndóge ke asi rai se si lé nga taɓai wa? Ké bain á sei ndigi teli rai ɓer le nyan-ndóge nè nga gugu ɓai wa?

Nje Ke Ephese 1:17

Man m’ra titeke bè le kade Nube le Kuwe-ɓee le jéi Jésu-Krist, è Bɔ jéi ke ndubra è le’n ade sei kumkunju le Ndil. Titeke bè á kum si à gang’n dè Nube’t le kade i geri nin njai-njai.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

Nje Ke Colosses 1:15

Krist Ngonn le Nube nga, è kum gute tà bɔ’n Nube ke doo asekum kan’n se kum’n lé. E ndi se Nube kété mari desêin sàk-sàk ɓita Nube unde nyange malang ɓai.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

1 Jean 2:23

Nanan ke naje se ra’n ede nè Jésu-Krist è Ngonn le Nube lé ɓaa, è naje se ra’n dè Bɔ jéi Nube’t a tɔ. Nanan ke tam ndàt ede nè Jésu è Ngonn Nube kerɔte ɓaa, è um nan’t bɔk se Bɔ jéi Nube nga ɓá ta.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

2 Jean 1:9

Nanan ke nda njáng dè nyan-ndó’t le Krist lé á unn tà ke rang karè ile dè’t ɓaa, um se Nube nan’t bɔk lé. Nanan ke nda njáng dè nyan-ndó’t le Krist ɓaa, um nan’t bɔk se Nube a, se Ngonn’n a tɔ.