Jean 8:12 - Nouveau Testament en Gulay 2004

¹² Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Jean 8:12 ပူးပေါင်းရင်းမြစ်များ

Matthieu 5:14

Sei sei lookar le dooge ke dè nang nè. Ɓee-bò ke tò dè mbal’t dɔ nga asekum ɓɔyɔ ra’n lé.

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Jean 12:35

Jésu ile de dè’t ede nè: – Sei awi se lookar dann si’t laa mbɔr ɓai. I njiyei awi se gir kàde m adi tilkus sebe dè si’t rebe lé. Titeke bè á tilkus à ree kube’n sei nang bɔp lé. Doo ke njiye dann tilkus’t nga ger loo ke aw ke tutu lé.

Jean 12:36

Ɗarinè sei awi se lookar ɓai. Undei kêm si dènn’t le kade i teli ngann lookarge ke get. Loo ke Jésu tam tàge nè nga gir gang ɓá ɓaa, è ɔr ra’n jêke^ aw ɓɔyɔ ra’n ade doobulege an-in nin lé.

Jean 12:46

Man nga m’ee lookar ke m’ree dè nang nè. Nanan ke unde kêm’n dèm’t ɓaa à ndi dann tilkus’t se ndɔ’n-ndɔ’n lé.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 3:19

An-in! tà ke uwe dè dooge á tò nè: lookar ree dè nang nè, nè dooge ndigi tilkus tá ngain dum lookar tede nyanra dege majelé.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Jean 9:5

Ndɔge malang ke m’nain’n dè nang nè ɓai nga, m’ee lookar le dooge ke dè nang nè.

Nyanra Njekawkulege 13:47

Tede Kuwe-ɓee unn ndu’n ade jè titeke bè ede nè: «M’undei m’ade i lookar le dooge ke ei Juipge lé, le kade i unn tà kaje nè aw’n se loo-loo sár ɔse’n ngei nang bere mbak.»

Nyanra Njekawkulege 26:23

Njéribe-dè-tàge ke tà Nube’t se Moise nga, ndɔ ke tami edi nè: Krist nga, nyankêmkon à ra’n, è doo ke desêin sàk-sàk ke unde loo tee dann njé ke koo’t. Gar-gar à ile mber lookar kade kosdooge le jéi se njé ke rang.

2 Pierre 2:17

Dé dooge nè nga dé tite bolè mann ke mann ii tutu san-san bè a, dé tò asenan se bum ke ɗise tunn-tunn ke nel bò ɔr’n aw se’n bè a tɔ. Nube uwe dè nja loo ke ndul ndin-ndin unde konn ngine’n de.

2 Pierre 2:4

Dooge ke danrán ke ndɔ ke rai majelé nga, Nube ngonm de rann’t lé. Nè è inye de ade dé tɔ de se sul d’um de kem̂ bolè ke ndul ndin-ndin ngine’n ndɔ gangtà.

1 Jean 1:6

Ke nè á jè tami j’edi nè j’umi nan’t nan’t bɔk se Nube nè jè njiyei dann tilkus’t kêl karé ɓai ɓaa, jè tami tà lanm nal ra ngarankum nyan se ndɔge malang.

Jude 1:13

Dé tite kɔr mann ba ke tal bungus-bungus ade pululu’n ke majelé in pɔk-pɔk bè. Dé tò d’asenan se kɔnyonge ke gangi ndiling-ndiling bè. Nube uwe dè nja loo ke ndul ndin-ndin unde konn le kade dé ndi tutu sár se non.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Lookilera’n 21:24

Girkoje kosdooge se dè ɓee-dè ɓee à njiyei takul lookar le’n. Ngar-ɓeege ke dè nang nè à reei se nyanbawge le de kadi ɓee-bò nè nga.