Jean 8:11 - Nouveau Testament en Gulay 2004

¹¹ Dinye nè ile jésu dè’t ede nè: – Kuwe-ɓee, doo goto. Nè Jésu tel ede’n ede nè: – Man kuwe géa m’ile tà dèi’t lé tɔ. Ɔte aw loo lei. Nè unn gir’n ɗarinè ɓaa, i ra majelé kumi ke kété lé ta.]

Jean 8:11 ပူးပေါင်းရင်းမြစ်များ

Tà ke Maje ke Luc ndang 13:3

Ḿ-m̀, è bè lé. Nè sei géa, ke nè á sei turi hal si lé ɓaa, a tuji malang titeke dooge ke Galilée tujii bè tɔ.

Tà ke Maje ke Luc ndang 13:5

Ḿ-m̀, è bè lé. Nè sei géa, ke nè á sei turi hal si lé ɓaa, a i tuji malang titeke bè tɔ.

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Tà ke Maje ke Luc ndang 15:7

Titeke bè á man m’ede sei ndàt, Nube se dooge le’n ke danrán ali ra de ngain tede tà le njèkaiya karé ke inye go kaiya le’n tel tur hal’n. Kalra le de dum dè kalra ke d’a d’inye ɔje dè njè ke kɔr-jisɔ-jimi-gidé-jisɔ-jimi ke an-in ra de ke njéra nyan danné sêwge.

Tà ke Maje ke Luc ndang 5:32

Nube ule’m kade m’ɓar njé ke d’an de ke njéra nyan danné sêwge á bè lé, nè è ule’m le kade m’ɓar njé ke d’an de ke njé ra majelége tede le kade turi hal de.

Tà ke Maje ke Luc ndang 9:56

Dé d’ɔte d’aw kêm ngonn ɓee karé ke rang.

Jean 18:36

Jésu ile Pilate ede nè: – Konɓee le’m è ke nang nè lé. Ke nè á konɓee le’m è ke dè nang nè ɓaa, pajage le’m ayé kan-in rɔ dèm’t kade d’ule’m ji Juipge’t lé. Kerɔte kuwe, konɓee le’m è ke dè nang nè lé.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 5:14

Ndɔ ke rang, Jesu inge dingem nè nga kêm kei le Nube. E ede’n ede nè: – An! ratur ɔr dèi’t ade rai tel mong maj-maj ɓá ta. I ra kaiya kumi ke kété-kété lé ta, nè bainléa nyan ke tur ngain dum dè ratur nè à rai ɓai.

Jean 8:15

Sei gangi tà se go kum kan loo le doo, nè man ɓaa, m’gangtà dè doo karé’t bè lé ɓai.

Nje Ke Rome 2:4

Ké bò kêm-maje se kêmkile se korè ke Nube orè tà’n njak ndi nginei nga, ké i an ke nyan lé wa? Bò kêm-maje le Nube ke ɔsi balang-balang le kade i tur hali nga, ké i ger lé wa?

1 Nje Ke Corinthe 5:12

Ké è tà le’m le gangtà dè njé ke nata’t wa? Ḿ-m̀, è tà le’m le gangtà dè de’t lé. Dé ɓaa, è Nube á à gangtà dè’t.

2 Pierre 3:15

An-in! kem̂kile le Kuwe-ɓee Nube nga á è gir kaje le si. E ke nè á è tà ke ndɔ ke ngokon jéi Paul ke è kotár le jéi ndang’n magtub ede’n sei tà nè ɓá. E ede sei tà nè se kumkunju ke Nube ade’n.