Jean 7:39 - Nouveau Testament en Gulay 2004

³⁹ E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Jean 7:39 ပူးပေါင်းရင်းမြစ်များ

Matthieu 16:14

Dé d’ile’n dè’t d’ede nè: – Njé ke nange tami edi nè: i i Jean ke njèkule dooge manné njonm, njé ke nange tami edi nè: i i Elie, njé ke nange ke rang edi nè: i i Jérémie éké njèribe-dè-tà ke tà Nube’t karé.

Matthieu 21:11

Njé ke nange dann doobulege’t nè tami edi nè: – E Jésu njèribe-dè-tà ke tà Nube’t ke ɓee ke Nazareth ɓeekon ke Galilée.

Tà ke Maje ke Luc ndang 24:49

Nyan ke Bɔ’m unn’n ndu’n ade sei nga, an-in! man kuwe m’a m’ule’n kade sei. Nè sei ɓaa, i ndii kêm ɓee-bò’t nè kuwe sár kade ingei tɔgmong ke à in ra Nube’t ɓita.

Tà ke Maje ke Luc ndang 3:16

Nè Jean ede de ndàt ede nè: – Man m’ɔr sei kunde sei se ninn si gai se mann. Nè doo karé ke tɔgmong le’n dum dè le’m à ree goom’t non. Man m’ase tutu sa ke njann’t lé. Doo nè nga, à ɔr sei kunde sei se ninn’n gai se Ndil-Kêmnda a, se por a tɔ.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Jean 1:21

Dé tel dé deje’n d’ede nè: – A ɓaa ké i nan ta wa? Ké i Elie wa? Jean ile de dè’t ede nè: – Man m’ee è lé. Dé tel dé deje’n d’ede’n nè: – A ɓaa ké i njèribe-dè-tà ke tà Nube’t wa? Jean ile de dè’t kuwe ɓai ede nè: – Ḿ-m̀, man m’ee è lé ɓai.

Jean 1:25

Ei deji Jean njèkule dooge manné njonm tà kum de ke kété-kété edi nè: – Ke nè á i Krist lé a, i Elie lé a, éké njèribe-dè-tà ke tà Nube’t lé a tɔ ɓaa, ké bain á i ule dooge manné njonm wa?

Jean 1:33

Man m’ger’n kété lé ɓai, nè è ke njèkule’m kade m’ule dooge manné njonm nga ede’m ede nè: «E ke Ndil à in dɔ le ree ndi dènn’t nga á è njèkɔr dooge kunde de se ninn’n gai takul Ndil-Kêmnda.»

Jean 12:16

Nyan ke Jésu ra nè nga, njékuwe-girnge geri gir ke loon’t nè lé ɓai. Nè ndɔ ke d’ule ndubra dènn’t pa ɓita kêm de à olé dè’t titeke tà nè nga dé ndang d’ɔje’n dè’n. Unn gir kêm ndɔn’t nè nga ɓita njèkuwe-gir-Jésuge geri titeke nyange ke dooge rai se’n nga awi nan’t deĵ se tà ke dé ndang d’ɔje’n dè’n ɓai.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 14:13

Nyange malang ke a i deji nin se ri’m nga, m’a m’ra kade dooge geri tɔgmong le Bɔ’m takul’m.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 16:14

E nè nga à ule ndubra dèm’t tede à taa tàge le’m kaw’n kede sei.

Jean 16:7

Nè né è bè géa, man m’ede sei ngarankum tà: Kaw’m è soo’t tede le si. Ke nè á m’aw lé ɓaa, njè ra se si nga à ree ra si’t lé. Nè ke nè á m’aw ɓaa, m’a m’ule’n kade ree inge sei.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 20:22

Loo ke è tam tà nè nga titeke bè ɓá ɓaa, è tó kebe dè de’t puu ede nè: – I taai Ndil-Kêmnda!

Jean 6:14

Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 7:12

Doobulege naji nan tà ngain dann de’t ɔji dè Jésu. Njé ke karége tami edi nè: – Jésu è doo ke njèra maje. Njé ke nange tami edi nè: – Ḿ-m̀, Jésu è njè libe kum doobulege.

Jean 8:54

Jésu ile de dè’t ede nè: – Ke nè á man kuwe m’ndi sang riɓar se dè ra’m ɓaa, riɓar le’m è nyan ke raikarè. Bɔ’m ke sei tami edi nè: «E Nube le si» nga á è njèkule ndubra dèm’t.

Nyanra Njekawkulege 19:2

– Loo ke ndɔ ke undei kêm si dè Nube’t nga, ké ingei Ndil-Kêmnda kuwe wa? Pajage le Jean ilei Paul dè’t edi nè: – Tà le ndi tutu le Ndil-Kêmnda nga, ndɔ karé bè géa j’oo lé.

Nyanra Njekawkulege 2:17

«Nube tam ede nè: ndɔ ke ngeinn’t ɓaa, m’a m’ade Ndil’m à yal nan dè dooge’t malang titeke bè á: ngann sige ke dingem se njé ke dinye à teli k’eei njékɔrgo tàge le’m man Nube; ngann basage le si à an-in nyanpinde ngatɔgege le si à an-in nyan nige a tɔ.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nje Ke Rome 8:9

Nè sei ɓaa, i njiyei se go tàgir le danra lé. Sei njiyei se tɔgmong le Ndil-Kêmnda tede Ndil Nube ndi kêm si’t. Ke nè á doo aw se Ndil ke Krist ade jèi nga lé ɓaa, doo nè nga è le Krist lé.

2 Nje Ke Corinthe 3:8

Nè kule le Ndil-Kêmnda nga, ndubra le’n dum ndubra le gute-ndu ke dé ndang kêm begre herge’t nga nja bule.

Nje Ke Ephese 4:30

I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.