Jean 7:37 - Nouveau Testament en Gulay 2004

³⁷ Ngei ndɔ ra nan kei kamge nga, è ndɔ ke bò dum madege. Jésu in nda dɔ non doobulege’t kêm kei le Nube ede de tà se ndu’n ke bòi ede nè: – Ke nè á kunde mann ra doo ɓaa, maje kade ree ram’t taa mann an-in.

Jean 7:37 ပူးပေါင်းရင်းမြစ်များ

Matthieu 11:28

Sei malang ke nyankoto ɗuge sei ngong-ngong ade ɔri yàl-yàl nga, i reei ram’t ɓaa man m’ade sei loo taa kebe.

Matthieu 3:3

Esaie njèribe-dè-tà ke tà Nube’t tam tà ɔje’n dè Jean kété ede nè: «E ndu è ke njèkile mber kêm dile’t: I gɔli rebe le Kuwe-ɓee, i rai ngann rebege le’n adi asinan lêtêt-lêtêt.»

Matthieu 5:6

Njé ke ngur nyanra ke se dè naje’n ra de pênn-pênn asenan se kunde mann éké ɓo ke ra de nga, ra de à nel de tede kêm de à ndann ɓai!

Jean 1:23

Jean ede de ede nè: – Man ɓaa m’ee ndu njèkile mber kêm dile’t. «Njèkile mber kêm dile’t nga tam ede nè: I rai rebe le Kuwe-ɓee adi nda danné jap» titeke ndɔ ke Esaie njèribe-dè-tà ke tà Nube’t tam’n kété nga.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 4:11

Dinye nè nga tel deje Jésu ede nè: – Dingem, ka-dɔ kɔde mann goto jii’t a, bolè mann nga géa heb ngain a tɔ. Ké a inge mann lei ke an-in kutch-kutch nga loo ke ra’t wa?

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 5:40

Nè sei ndigi reei ram’t le kinge’n ndikumgajer se non nga lé.

Jean 6:35

Jésu ede de ede nè: – Mapa ndikumgajer nè nga è man. Doo ke ree ram’t ɓaa, ɓo a ra’n ndan lé. Doo ke unde kêm’n dèm’t ɓaa, kunde mann à ra’n ndan lé a tɔ.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:55

Danra’m nga è ngarankum nyankuse a, mese’n è ngarankum nyankain a tɔ.

Jean 7:28

Kêm ndɔn’t nè nga, Jésu in ndó dooge nyan kêm kei’t le Nube se ndu’n ke bòi ede nè: – Sei geri man mbak, loo ke m’in tutu nga géa i geri mbak a tɔ. E man kuwe m’in se dè’m m’ree lé. Nè Nube ke è njèkule’m ke get-get nga ɓaa, i geri nin lé mbeng kɔke.

1 Nje Ke Corinthe 10:21

Sei asikum kain nyankain le Kuwe-ɓee se ndilge ke majelé nan’t mbak lé. Sei asikum ndi tà nyankuse’t le Kuwe-ɓee se ndilge ke majelé nga nan’t mbak lé.

1 Nje Ke Corinthe 10:4

Dé malang d’an-in nyankain ke karé ke in danrán nga kuwe tede dé malang d’an-in mann ke ube kàde mbal’t kutch-kutch a tɔ. Mbal nè nga ndolè go de. Mbal nè nga è Krist.

1 Nje Ke Corinthe 11:25

Loo ke d’use mapa ɓá ɓaa, è unn nyankain mann yibe nduu ra titeke bè tɔ ede nè: «Yibe nduu nè nga, è mann-ra ke kige le Nube. Mann-ra nè nga à tɔ sár takul mese’m ke an-in nang. Dɔ-dɔ, loo ke a an-in yibe nduu nè nga ɓaa, i rai è nè nga adi kêm si olé’n dèm’t.»

1 Nje Ke Corinthe 12:13

Oiyo, né Juipge se njé ke ei Juipge lé, né ee’n ɓerge éké njé ndi dè palge géa, ndɔ ke d’ule jéi manné njonm d’ade j’umi nan’t bɔk se Ndil-Kêmnda ke karé nè kuwe. Jèi malang jè teli jèi danra ke karé bere ke j’an-in mann ke an-in kutch-kutch ke in ra Ndil-Kêmnda’t.

Nje Ke Ephese 5:18

Adi yibe ule mbe dè si’t lé. Tede yibe aw se doo ke loo nyanra ke pás-pàs’t kade tuju. Nè adi Ndil tá taa kem̂ si pel-pel.

Lookilera’n 21:6

Taɓai, è tel ede’m ede nè: «Girtà gang ɓá ta. Man nga, m’ee ke desêin a, m’ee ke ngeinn’t a tɔ. Man nga m’ee loo kunde gir nyan a, loo tɔl ngang nyan a tɔ. Doo ke kunde on’n ɓaa, m’a m’ade’n ngur mann ndikumgajer kade an-in karè m à ndogo lé.

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.