Jean 7:33 - Nouveau Testament en Gulay 2004

³³ Jésu tam ndàt ede nè: – M’a m’nain se si mbɔr ɓita m’a m’tel kaw ra njèkulem’t ɓai.

Jean 7:33 ပူးပေါင်းရင်းမြစ်များ

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 13:33

Jésu ede njékuwe-girnge ede nè: – Ngannemge, m’a m’nain se si dè nang nè mbɔr ɓai. Ndɔn’t a i sangi man par-par. Ndɔ ke m’ede Juipge kété m’ede nè: Loo ke m’ndi m’aw ke tutu nga, sei asi kawi tutu lé. Sei géa, ɗarinè m’ede sei tà nè nga titeke bè tɔ.

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Jean 14:28

M’a m’aw nè m’a m’tel ree ra si’t ɓai. Kété kuwe m’ede sei tà nè nga m’ade ooi ɓá. Ke nè á ndɔ ke i tári man ɓaa né a i rai ranel dè tel ke m’a m’tel kaw ra Bɔm’t nga, tede è bòi dum’m.

Jean 16:10

Njè ra se si nga à ade kum de gang dè nyanra ke se dè naje’n tede m’ndi m’aw ke ra Bɔm’t. Sei a i teli kan-in man gugu lé ta.

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 16:5

Ɗarinè m’ndi m’aw ke ra njèkulem’t. Nè doo karé bè géa dann si’t deje’m ede nè: «Ké a aw ke ra wa?» lé.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:13

Ɓɔ’m ɗarinè m’ndi m’a m’aw ke rai’t nú. Nè m’tam tà nè titeke bè loo ke m’nain dè nang nè ɓai tede kade d’inge’n ranel le’m se girson’n bere mbak.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Jean 9:4

Loo ke kàde nain ɓai nè kuwe, gar-gar ade jè rai kule le njèkule’m. Loo ke ndɔ à il ɓaa, doo karé bè asekum ra kule lé ta.