Jean 7:28 - Nouveau Testament en Gulay 2004

²⁸ Kêm ndɔn’t nè nga, Jésu in ndó dooge nyan kêm kei’t le Nube se ndu’n ke bòi ede nè: – Sei geri man mbak, loo ke m’in tutu nga géa i geri mbak a tɔ. E man kuwe m’in se dè’m m’ree lé. Nè Nube ke è njèkule’m ke get-get nga ɓaa, i geri nin lé mbeng kɔke.

Jean 7:28 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 2:23

E aw ndi kêm ngonn ɓee karé ke ri’n nè Nazareth tede kade tàge ke njéribe-dè-tà ke tà Nube’t tami kété mari aw’n loon’t deĵ. Ei tami edi nè: «E nè nga d’a ɓar’n doo ke Nazareth.»

Matthieu 26:55

Kêm kàdenn’t nè nga, Jésu deje kosdoo-bulege ede nè: – Ké man m’ee ngar le njékɔse tà se njékonɓeege á i reei se kuye kaskarge se ɗugur kagege ji si’t kêl-kêl tá le kuwe’m wa? Ndɔ karé-karé malang m’ndi nang dann si’t m’ndó dooge nyan kêm kei’t le Nube a tɔ. Nè sei uwei man lé.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Tà ke Maje ke Luc ndang 2:39

Loo ke Joseph se Marie tɔli ngang nyan ke gute-ndu Kuwe-ɓee ɔje ɓá ɓaa, ei teli awi ɓéee Nazareth kêm ɓeekon ke Galilée.

Tà ke Maje ke Luc ndang 2:4

Titeke bè á, Joseph in-in’n kêm ɓee ke ri’n nè Nazareth, ɓeekon ke Galilée aw’n kêm ɓee ke ri’n nè Bethléhem ɓeekon ke le Juda. Bethléhem nga, è ɓee koje ngar David. Joseph aw le kade d’unde ri’n kêm ɓee-bò’t nè nga, tede è géa è girkà le David tɔ.

Tà ke Maje ke Luc ndang 2:51

E oo tà tà njékojennge’t tel aw se de ɓéee Nazareth. Kon’n Marie girtà ke kété a, ke gugu a, dè nyange malang ke teei nè nga m ade kêm’n wei nal dè’t lé.

Jean 1:46

Nathanael tel deje Philippe ede nè: – Ké nyan ke maje à kin kêm ɓee ke Nazareth tɔ wa? Philippe tel ede Nathanael ede nè: – I kuwe i ree an se kumi.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 12:49

E man kuwe á m’in se dè ra’m m’tam tàge nè nga lé, nè Bɔ’m ke njèkule’m kuwe á unn ndu’n ade’m ɔje dè tàge ke kum tam se kile mber’n a tɔ.

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 14:31

Nè maje kade dooge ke dè nang nè geri tite m’tár Bɔ’m. Gir’n ke nè á m’ra’n nyan malang se go ndukunn le’n. In-in dɔ ade j’awi loo ke rang’t.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 3:33

Doo ke taa kɔrgo tà le’n ɓaa, ndige se’n titeke Nube tam ngarankum tà kuwe.

Jean 5:32

Nè doo karé ke rang ɔrgo tà le’m. M’ger titeke tà ke è ɔrgo ɔje’n dè’m nga, è ngarankum kɔrgo tà kuwe.

Jean 5:43

Man m’ree se ri Bɔ’m nè sei uwei man ke ra si’t lé. Nè ke nè á doo karé ke rang kuwe in se dè’n ree ɓaa, è nè tá uweii ke ra si’t.

Jean 6:42

Dé tel d’ede nan d’ede nè: – Ké è nè nga è Jésu ngonn le Joseph ke jè geri bɔ’n se kon’n mbak nè nga lé wa? Dé tam bè tede tà ke Jésu tam kété ede nè: «Mapa ke in danrán nga, è man.»

Jean 7:14

Loo ke dé ra nan d’aw danné bɔp ɓá ɓaa, Jésu aw kêm kei’t le Nube unn gir ndó dooge nyan.

Jean 8:14

Jésu tel ile Pharisienge dè’t ede nè: – Né m’tam tà m’ɔje’n dè ra’m man kuwe géa, kɔrgo tà le’m man nga, è ngarankum kɔrgo tà kuwe tede m’ger loo ke m’in tutu á m’ree a, m’ger loo ke m’a m’aw ke tutu a tɔ. Nè sei ɓaa, i geri loo kin-in’m éké loo kaw’m lé a tɔ.

Jean 8:16

Ke nè á m’gangtà géa, tà gang le’m è tà gang ke get tede man se kar’m lé nè Bɔ’m ke njèkule’m nga è se’m nan’t .

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

Jean 8:26

M’aw se tàge ngain ke ɔji dè si le tam a, m’aw se tàge ngain le gang dè si’t a tɔ. Nè njèkule’m nga tam ngarankum tà. Tàge ke m’oo tann’t á m’ede dooge ke dè nang nè.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Jean 9:29

Jè ɓaa, jè ger titeke Moise á ndɔ ke Nube ede’n tà. Nè doo nyan le doo nè nga, jè ger loo ke in tutu lé.

Nyanra Njekawkulege 17:23

Kerɔte kuwe, loo ke m’a m’dere kêm ɓee-bò’t le si nga, m’ter nyange ke sei i ɗɔyi de nga ɓaa, m’tee dè ɗinger loo nyankuje-mese karé ke dé ndang nyan dè’t d’ede nè: «Nube ke doo ger’n lé.» E Nube ke sei i ɗɔyi nin nal ger’n nè nga kuwe á m’ree le kede sei tà le’n ɗarinè.

Nje Ke Rome 1:28

Ngarakum ger Nube nga, dé ndige kum kêm de dè’t lé. Gir’n ke nè á Nube inye’n de dann tàgir’t ke se go rebe’n lé ade dé ra’n nyange ke kum ra lé.

Nje Ke Rome 3:4

Ke nè á dooge malang ei njé lanmge géa, Nube è njè tam ngarankum tà. Magtub ke tò se ninn’n tam tà ɔje’n dè Nube ede nè: «Maje kade d’an tà tamige ke tà ke se dè naje’n a, loo ke d’ade gangtà dèi’t ɓaa, maje kade uwe de se tà a tɔ.»

2 Nje Ke Corinthe 1:18

Nube ger mbak titeke man m’ee njè kum tà minye’t joo lé.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

Tite 1:2

Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

Hebreuge 6:18

Kunn-ndu le Nube se kubu ra le’n nga ei nyange joo ke à tooi njáng. Nyange ke joo nè nga tɔji jèi titeke Nube tam tà lanm ndan lé. Nube sɔl kem̂ jéi se nyange ke joo nè nga. Gir’n ke nè á j’ubei go nyange malang j’inyei jè paberii nyan ke j’undei kem̂ jéi tchên dè’t ke Nube à ade jèi nga.

1 Jean 5:10

Nanan ke unde kem̂’n dè Ngonn Nube’t ɓaa à taa tà ke Nube tam ɔje’n dè Ngonn’n. Nè nanan ke unde kem̂’n dè Nube’t lé ɓaa, tel Nube ke njè lanm, tede è taa tà ke Nube tam ɔje’n dè Ngonn’n nga lé.