Jean 7:19 - Nouveau Testament en Gulay 2004

¹⁹ Ké è Moise kuwe á ade sei magtub gute-ndu Nube nga lé wa? Nè doo karé dann si’t ra nyan ke gute-ndu ɔje nga se ndɔge-ndɔge lé. A ɓaa, ké bain á sei sangi le kade dé tɔl’m wa?

Jean 7:19 ပူးပေါင်းရင်းမြစ်များ

Matthieu 12:14

Loo ke Pharisienge undei loo teei ɓaa, awi ɔri nan tà dè nyange ke kum kade adi dé ra le kuwe’n Jésu tɔl’n kɔke.

Matthieu 21:38

Nè loo ke njéra kule kêm ndɔr nduuge’t an-in pan ɓaa, edi nan edi nè: «An-in! njèkɔi nyan-ndube nga aw nè: i reei adi jè tɔli nin, jè kayai nan nyan-ndube le’n kɔke.»

Marc 11:18

Maw njékuje nyan-mesege se njékɔrgir gute-nduge ooi sertà nè. Ei sangi ké se rebe ke ra n’a tɔli Jésu wa? Nè dé ɓel’n tede doobulege malang nga, ndil de tee an-in soin-soin dè nyan ke è ndó de se ndɔge-ndɔge.

Marc 3:4

Jésu deje de ede nè: – Ké ndɔ taa kebe nga, tò tede le ra’n maje se dooge éké le ra’n se de majelé wa? Ké ndɔ taa kebe tò tede le kaje’n doo éké le kinye’n doo kade tuju wa? Nè d’ile’n dè’t lé.

Marc 3:6

Ke loon’t nè kuwe, Pharisienge undei loo teei kêm kei kebe nan’t teei awi ɔri nan tà se pajage le ngar Hérode Antipas dè rebe ke ayé tɔli Jésu.

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 10:39

Nja karé ɓai, Juipge teli sangi le kuwei Jésu kuwe ɓai, nè è tee dann de’t njêl aw.

Jean 11:53

Unn gir kêm ndɔn’t nè nga njékɔr non Juipge ɔji njáng le kade dé tɔl Jésu.

Jean 5:16

E gir’n ke nè á Juipge awi se Jésu se tà, tede nyange ke ndɔ ke ra se ndɔ taa kebe.

Jean 5:18

Unn gir kêm ndɔn’t nè, Juipge sangi loo ngain dum ke kété le tɔl Jésu. E tede kal ke è al tà tà gute-ndu’t á karé lé, nè è tede ɓar ke ɓar Nube Bɔ koje’n a, an ra’n ke Nube a tɔ.

Jean 5:45

An-in tá nè a i giri titeke è man á m’a m’ile tà dè si’t non Bɔm’t, nè è Moise ke sei undei kêm si tchên dènn’t nga á è njèkile tà dè si’t.

Jean 7:1

Go’t gugu Jésu aw se loo-loo kêm ɓeekon ke Galilée. E ndige le tel kaw kêm ɓeekon ke Judée lé tede Juipge sangi rebe le kade dé tɔl’n.

Jean 7:25

Loo ke dooge ke nange ke Jérusalem an-in Jésu ɓaa, ei tami edi nè: – Ké è n’ee nga dé sang le kade dé tɔlé nè lé wa?

Nyanra Njekawkulege 7:38

Loo ke ndɔ ke kosdooge ke Israel kebi nan kêm dile’t nga, Moise nè è dann de’t. E è kuwe á ndɔ ke unn tà ke doo ke danrán ede’n dè mbal ke ri’n nè Sinai ede kà jéige. E taa tàge ke le ndii’n kumgajer ra Nube’t ree’n ade jèi.

Nje Ke Galatie 3:19

A ɓaa, ké kule le gute-ndu nga è ri wa? Gute-ndu nga ree oré dè ndukunn le tɔje dooge nyanra de ke uwe made nan se le Nube lé. Gute-ndu nga tò sár ade ngonnkà Abraham ke Nube unn ndu’n ɔje’n dè’n nga ree’n. Gute-ndu nga è dooge ke danrán á ndɔ ke undei ɓita umi ji njè ndà dann de’t se dooge ɓai.

Nje Ke Galatie 6:13

Njé kuje tà mɔte dege kuwe géa an-in dè gute-ndu nga sêw-sêw lé. Nè né è bè géa, dé ndige le kade adi d’uje tà mɔte si tede le kunn’n tà ra de’t tede mɔte si ke adi d’uje.