Jean 7:14 - Nouveau Testament en Gulay 2004

¹⁴ Loo ke dé ra nan d’aw danné bɔp ɓá ɓaa, Jésu aw kêm kei’t le Nube unn gir ndó dooge nyan.

Jean 7:14 ပူးပေါင်းရင်းမြစ်များ

Matthieu 21:12

Go’t gugu, Jésu aw kêm kei le Nube. E unn gir rɔ njékige nyange se njéndogo nyange nata malang. E tile table le njémbel narge se kali ndi le njékige der-ndage piring-piring kɔke.

Matthieu 26:55

Kêm kàdenn’t nè nga, Jésu deje kosdoo-bulege ede nè: – Ké man m’ee ngar le njékɔse tà se njékonɓeege á i reei se kuye kaskarge se ɗugur kagege ji si’t kêl-kêl tá le kuwe’m wa? Ndɔ karé-karé malang m’ndi nang dann si’t m’ndó dooge nyan kêm kei’t le Nube a tɔ. Nè sei uwei man lé.

Tà ke Maje ke Luc ndang 19:47

Jésu ndó dooge nyan kêm kei le Nube se ndɔ karé-karé malang. Maw njékuje nyan-mesege se njékɔrgir gute-nduge a, se dooge ke kum de unju sangi le kade dé tɔl’n.

Jean 18:20

Jésu ile’n dè’t ede nè: – Man m’ede dooge malang ke dè nang nè tà nata mbeng. M’ndó de nyan se ndɔge malang kêm kei kebe nange’t se kêm kei le Nube ke è loo kebe nan le Juipge malang. Nyan ke ndɔ ke m’ndó de nga è se go ngein lé.

Jean 5:14

Ndɔ ke rang, Jesu inge dingem nè nga kêm kei le Nube. E ede’n ede nè: – An! ratur ɔr dèi’t ade rai tel mong maj-maj ɓá ta. I ra kaiya kumi ke kété-kété lé ta, nè bainléa nyan ke tur ngain dum dè ratur nè à rai ɓai.

Jean 7:2

Nè ndɔ ra nan kei kamge le Juipge nain ngɔr.

Jean 7:28

Kêm ndɔn’t nè nga, Jésu in ndó dooge nyan kêm kei’t le Nube se ndu’n ke bòi ede nè: – Sei geri man mbak, loo ke m’in tutu nga géa i geri mbak a tɔ. E man kuwe m’in se dè’m m’ree lé. Nè Nube ke è njèkule’m ke get-get nga ɓaa, i geri nin lé mbeng kɔke.

Jean 7:37

Ngei ndɔ ra nan kei kamge nga, è ndɔ ke bò dum madege. Jésu in nda dɔ non doobulege’t kêm kei le Nube ede de tà se ndu’n ke bòi ede nè: – Ke nè á kunde mann ra doo ɓaa, maje kade ree ram’t taa mann an-in.

Jean 8:2

Nè loo ke loo à ar ɓai ɓaa, è tel aw kêm kei’t le Nube. Kosdooge malang reei rann’t. E tête ra’n ndi nang unn gir ndó de nyan.

Jean 8:20

Jésu ndi ngɔr se ke kɔg-loo ngonm nar’t. E tam tàge nè nga loo ke ndi à ndó’n de nyan kêm kei le Nube. Nè doo karé bè géa uwe’n lé tede kàde’n le’n nain ɓai.