Jean 7:1 - Nouveau Testament en Gulay 2004

¹ Go’t gugu Jésu aw se loo-loo kêm ɓeekon ke Galilée. E ndige le tel kaw kêm ɓeekon ke Judée lé tede Juipge sangi rebe le kade dé tɔl’n.

Jean 7:1 ပူးပေါင်းရင်းမြစ်များ

Matthieu 10:23

Loo ke d’a d’ɔr sei kororoi kêm ɓee-bò ke nè’t ɓaa, an-in awi kêm ɓee-bò karé ke rang’t. Kerɔte kuwe, man m’ede sei ndàt, sei a kɔri son ɓee-bòge le ɓeekon ke Israel lé ɓai kuwe bainléa Ngonn doo à tel ree’n.

Matthieu 21:38

Nè loo ke njéra kule kêm ndɔr nduuge’t an-in pan ɓaa, edi nan edi nè: «An-in! njèkɔi nyan-ndube nga aw nè: i reei adi jè tɔli nin, jè kayai nan nyan-ndube le’n kɔke.»

Marc 11:18

Maw njékuje nyan-mesege se njékɔrgir gute-nduge ooi sertà nè. Ei sangi ké se rebe ke ra n’a tɔli Jésu wa? Nè dé ɓel’n tede doobulege malang nga, ndil de tee an-in soin-soin dè nyan ke è ndó de se ndɔge-ndɔge.

Jean 1:19

E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?

Jean 4:3

Loo ke Jésu oo tà nè nga bè ɓaa, è sure ɓeekon ke Judée inye tel aw kêm ɓeekon ke Galilée gugu.

Jean 4:54

E ke nè á è nyankɔbe ke njékon’t joo ke Jésu ra loo ke ndɔ ke in-in’n kêm ɓeekon ke Judée ree’n beekon ke Galilée.

Jean 6:1

Go’t gugu, Jésu ɔte aw gide ba ke ɓeekon ke Galilée. Ba nè nga ri’n nè Tibériade.

Jean 7:11

Juipge sangi Jésu loo ra nan kei kamge’t nè nga. Ei deji nan edi nè: – Ké n’ee nga n’ee ra wa?

Jean 7:13

Nè né è bè géa, doo karé ke tam tà ndàt ɔje’n dè Jésu goto tede dé ɓel kum Juipge.

Jean 7:19

Ké è Moise kuwe á ade sei magtub gute-ndu Nube nga lé wa? Nè doo karé dann si’t ra nyan ke gute-ndu ɔje nga se ndɔge-ndɔge lé. A ɓaa, ké bain á sei sangi le kade dé tɔl’m wa?

Jean 7:25

Loo ke dooge ke nange ke Jérusalem an-in Jésu ɓaa, ei tami edi nè: – Ké è n’ee nga dé sang le kade dé tɔlé nè lé wa?

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Jean 8:37

Sei ngannkà Abraham ade m’ger kuwe. Nè i sangi le kade dé tɔl’m tede tà le’m ke urkei kêm si’t lé.

Jean 8:40

Nè man njè kede sei ngarankum tà ke m’oo tà Nube’t nga, ɗarinè sei sangi kade dé tɔl’m. Abraham nga ndɔ ke ra nyan titeke bè lé.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.