Jean 6:9 - Nouveau Testament en Gulay 2004

⁹ – Ngonn basa karé ndi nè, aw se tutu mapa se tutu kanje joo laa. Nè né è bè géa, ké è nyan ri karé tede le kosdoo-bulege nè nga wa?

Jean 6:9 ပူးပေါင်းရင်းမြစ်များ

Matthieu 14:17

Nè dé tel d’ede Jésu d’ede nè: – Mapa mi se tutu kanje joo bere á tò ji jé’t laa.

Matthieu 16:9

Ké kum si gang dè’t lé ɓai wa? Mapa ke mi ke ndɔ ke i noboi dooge aru dɔg loo mi nga, ké kêm si olé dè’t lé wa? Ké ndɔ ke i tanni gute nyon-nyon mapa ke nain janga kandang wa?

Marc 6:38

Jésu tel deje de se gos ede nè: – Ké mapa ke ji si’t nga è kandang wa? Awi an-in ɓita. Loo ke d’aw dé deje ɓaa, d’ede’n d’ede nè: – Mapa è mi a, tutu kanje è joo a tɔ.

Marc 8:19

Mapa ke mi ke ndɔ ke m’tête danné m’ade i kayai kosdoo-bulege aru mi loo dɔg nga, ké ndɔ ke i kotoi gute ke nain rusu ngann janga kandang wa? Njékuwe-gir-Jésuge ilei nin dè’t edi nè: – Ndɔ ke j’oto gute ke nain rusu ngann janga dɔg-gidé-joo.

Tà ke Maje ke Luc ndang 9:13

Jésu ede de ede nè: – Sei kuwe adi de nyan d’use. Dé tel d’ede’n d’ede nè: – Ke nè á j’aw le ndogo nyankuse ke rang lé ɓaa, wal-mur ke mi se tutu kanje ke joo bere nè nga, à ase kosdoo-bulege nè nga malang titeke bain wa?

Jean 11:21

Marthe ede Jésu ede nè: – Kuwe jé, ke nè á ndɔ ke i nè ɓaa, ngokon’m ayé kwei bè lé ɓai.

Jean 11:32

Loo ke Marie ree tee loo ke Jésu nda tutu tête kum’n an’n ɓaa, unde burmba nonn’t ede’n ede nè: – Kuwe jé, ke nè á ndɔ ke i nè ɓaa, ngokon jé ayé kwei bè lé ɓai.

Jean 21:10

Jésu ede njékuwe-girnge ede nè: – I reei se ngann kanjege ke uwei nga ke laa.

Jean 21:13

Jesu ree unn mapa nga tête danné kai de.

Jean 21:9

Loo ke ei risi nang ɓá ɓaa, ei an-in kanjege se mapa tooi dè yal por’t.

Jean 6:11

Jésu ɔi mapa nè nga, ra Nube oiyo pa ɓita ade njékuwe-girnge noboi dooge ke ndii nang rip-rip ɓai. Kanje géa è ra titeke bè tɔ ɓita nobo de ade d’use titeke kêm de ndige.

Jean 6:7

Philippe ile jésu dè’t ede nè: – Né doo ndogo’n mapa kum nar kule ke ndɔ aru joo tá le tête mes-mes nobo de géa ayé kase de ndan lé.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

Lookilera’n 6:6

M’oo ká nyan ɓar asenan se ndu doo dann nyankundege ke sɔ’t tam ede nè: «Ko têl kem̂ ngonn nyan-mbɔje nyan karé bere kuwe à è kum nar kule ke ndɔ karé. Ko gɔje kem̂ ngonn nyan-mbɔje nyan mute bere kuwe à è kum nar kule ke ndɔ karé tɔ. Nè wubu se yibe ndu ɓaa, i tuji de kɔke lé.