Jean 6:70 - Nouveau Testament en Gulay 2004

⁷⁰ Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Jean 6:70 ပူးပေါင်းရင်းမြစ်များ

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 13:21

Loo ke Jésu tam tà nè bè ɓaa, kêm’n tò kekek ade tam tàkum njékuwe-girnge’t mbeng ede nè: – Kerɔte kuwe, man m’ede sei ndàt, doo karé dann si’t à unn dè’m kade dé tɔl’m.

Jean 13:27

Loo ke Judas taa mapa nè use làng ɓaa, njèkêmyêr ree ur kêmn’t. Ke loon’t nè kuwe, Jésu ede’n ede nè: – Nyan ke a i ra nga, i ra kalang.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 15:19

Ke nè á sei le dè nang nè ɓaa, njé ke dè nang nè ayé ndigi sei tede ei ndigi nyan ke è nyan kinge de tá. Sei nga, sei le dè nè nang lé; nè è man kuwe m’tɔr sei dann de’t kɔke m’unde sei se ninn’n dè nang nè. Gir’n ke nè á njé ke dè nang nè ɔri sei njêt.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Jean 2:2

Jésu se njékuwe girnge géa, dé ɓar de loo ra nan taa nan’t nè nga tɔ.

Jean 20:24

Thomas è ke karé dann njé ke dɔg-gidé-joo’t. Thomas nga d’ile ri tɔy’n nè «Ndunge.» E goto se madennge loo ke ndɔ ke Jésu tel ree’n ra de’t.

Jean 6:64

Nè njé ke nange dann si’t undei kêm de dèm’t lé. Njé ke undei kêm de dè Jésu’t lé nga, è ger de kété mari loo kunn gir kule’t le’n. E ke ayé kule’n ji dooge’t nga géa è ger’n mbak ɓá a tɔ.

Jean 6:67

Jésu tel deje njé ke dɔg-gidé-joo ede nè: – A ɓaa sei, ké i ndigi kaw tɔ wa?

Jean 6:71

E tam tà nè nga titeke bè ɔje’n dè Judas ngonn le Simon Iskariot. Judas nga, è njèkuwe-gir Jésu ke karé dann madennge’t ke dɔg-gidé-joo. E è á ayé kule’n ji dooge’t kade tɔli nin.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nyanra Njekawkulege 1:17

Judas nga kété dé tute’n dann jéi’t kuwe. Kule ke jè ndi j’ade rai nga géa, d’ade’n gaje’n ke ɔje dè’n se jéi nan’t tɔ.

Nyanra Njekawkulege 13:10

– An! i ke tà sú se nyanra ke majelé taa rai pel-pel. I ngonn le sú, i njèban le nyanra ke se dè naje’n malang. Rebege le Kuwe-ɓee ke ndai jap nga ke i uwe de i ɗuge de ngong-ngong, ké ndɔ ke ra á i a ebe rai dè’t wa?

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

Tite 2:3

Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.