Jean 6:61 - Nouveau Testament en Gulay 2004

⁶¹ Jésu ger kêmn’t mbak titeke njékuwe-girnge murin tà ɔji dè tà nè nga. Gir’n ke nè á, è deje’n de ede nè: – Ké tà nè nga tuge sei jig’t ile sei wa?

Jean 6:61 ပူးပေါင်းရင်းမြစ်များ

Matthieu 11:6

Doo ke nyange ke m’ra tuge’n jig’t ile’n lé ɓaa, ra’n à nel’n kuwe.

Matthieu 17:27

Nè né è bè géa , è tà le kade j’ilei de kage lé. Aw tà ba-bò’t ile kui. Kanje ke desêin ke a uwe’n nga, loo ke a i teen tà’n ɓaa, a inge nar ke kum sile sɔ. Ɔr i ree’n ade de tede le’m a, tede lei a tɔ.

Jean 16:19

Jésu ger titeke d’ayé deje’n tà. E in kété ede de ede nè: – Sei deji nan tà dè tà ke kété m’tam m’ede nè: «Nain ndêin ɓaa, a an-in man gugu lé, nè mbɔr gugu ɓita a i teli kan-in man ɓai.»

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Jean 6:64

Nè njé ke nange dann si’t undei kêm de dèm’t lé. Njé ke undei kêm de dè Jésu’t lé nga, è ger de kété mari loo kunn gir kule’t le’n. E ke ayé kule’n ji dooge’t nga géa è ger’n mbak ɓá a tɔ.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.