Jean 6:50 - Nouveau Testament en Gulay 2004

⁵⁰ E ke nè á è mapa ke in danrán. Nanan ke use mapa nè ɓaa à wei ndan lé.

Jean 6:50 ပူးပေါင်းရင်းမြစ်များ

Jean 3:13

Doo karé bè géa in nang nè aw danrán lé ɓai. Nè man Ngonn doo á m’in danrán m’ree nang nè.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:33

Tede mapa ke ade dooge ke dè nang nè ndii kumgajer nga, è mapa ke in danrán ra Nube’t.

Jean 6:42

Dé tel d’ede nan d’ede nè: – Ké è nè nga è Jésu ngonn le Joseph ke jè geri bɔ’n se kon’n mbak nè nga lé wa? Dé tam bè tede tà ke Jésu tam kété ede nè: «Mapa ke in danrán nga, è man.»

Jean 6:47

Kerɔte kuwe, man m’ede sei ndàt, doo ke unde kêm’n dèm’t ɓaa, ndi kumgajer se non ɓá ta.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Jean 6:58

An-in! mapa ke in danrán: Mapa nè nga è tite è ke ndɔ ke kà sige ke weii usei kété nga lé. Nè doo ke use mapa nè nga ɓaa à ndi kumgajer se non.

Jean 8:51

Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Nje Ke Rome 8:10

Danra si á wei tede majelé ke on ɓee dènn’t kerɔte kuwe. Nè ke nè á Krist ndi kêm si’t ɓaa, Ndil à ade a i teli ndii kumgajer tede Krist ɔr tà dè si’t ɓá ta.