Jean 6:5 - Nouveau Testament en Gulay 2004

⁵ Loo ke Jésu tête kum’n an kosdoo-bulege à reei ke rann’t ɓaa, è deje Philippe ede nè: – Ké j’à j’in-in se mapa ra le ndogo kade kosdoo-bulege nè nga usei wa?

Jean 6:5 ပူးပေါင်းရင်းမြစ်များ

Matthieu 15:33

Njékuwe-gir-Jésuge deji nin edi nè: – Ké j’à j’ingei mapa ra kêm dile loo’t nè le kade ase dooge ke bulei tchaprai nè nga wa?

Marc 6:32

Jésu se njékuwe-girnge ali kêm ngonn bato’t, awi ngang loo’t nata.

Tà ke Maje ke Luc ndang 9:10

Loo ke njékawkulege in-in mba’t teli reei ɓá ɓaa, ɔri ser nyange malang ke rai adi Jésu oo se de. E ɔr ra’n se de aw se de ngang loo’t nata kum’n ke ɓee ke Bethsaida.

Jean 1:43

Barè lookar’n, Jésu ndige tel kaw ɓeekon ke Galilée. E inge Philippe ɓaa ede’n ede nè: – Unn rebe goom’t.

Jean 1:44

Philippe nga è doo ke Bethsaida ɓee le André se ngokon’n Pierre.

Jean 1:45

Philippe aw inge Nathanael ede’n ede nè: – Doo ke magtub gute-ndu le Moise se magtubge le njéribe-dè-tàge ke tà Nube’t tami tà ɔjii dè’n nga, j’inge’n ɓá ta. Doo nè nga è Jésu ke Nazareth ngonn le Joseph.

Jean 1:46

Nathanael tel deje Philippe ede nè: – Ké nyan ke maje à kin kêm ɓee ke Nazareth tɔ wa? Philippe tel ede Nathanael ede nè: – I kuwe i ree an se kumi.

Jean 1:48

Nathanael deje Jésu ede nè: – Ké i ger’m loo ke ra’t wa? Jésu tel ile’n dè’t ede nè: – Kété ɓita kade Philippe ɓari loo ke ndɔ ke i ndii’n gir kage koté’t nga, m’an-in mari bere.

Jean 4:35

Ɗarinè nan sa ko nain sɔ ta, ké i tami bè lé wa? Nè man m’ede sei: Unni kum si an-in koge idi kum sa ɓá ta.