Jean 6:46 - Nouveau Testament en Gulay 2004

⁴⁶ Doo karé bè ke an Bɔ’m Nube nga goto. Nè man ke m’in rann’t kuwe karé á m’an’n.

Jean 6:46 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 14:7

Ke nè á i geri man ɓaa a i geri Bɔ’m tɔ. Unn gir ɗarinè sei geri nin ɓá a, sei an-in nin ɓá a tɔ.

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 5:37

Bɔ’m ke njèkule’m nga è kuwe ɔrgo tà ɔje’n dè’m. Sei ooi ndu’n nja karé éké sei an-in kum’n nja karé ndan lé ɓai.

Jean 7:29

Man ɓaa, m’ger’n tede m’in rann’t. E è kuwe á ule’m.

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

Jean 8:55

Sei ɓaa i geri Nube lé, nè man ɓaa m’ger’n. Ke nè á m’tam m’ede nè m’ger’n lé ɓaa, m’ayé k’ee njè tà lanm titeke sei bè tɔ. Nè man ɓaa, m’ger’n, gir’n ke nè á m’an’n dè tà le’n sêw-sêw.

Nje Ke Colosses 1:15

Krist Ngonn le Nube nga, è kum gute tà bɔ’n Nube ke doo asekum kan’n se kum’n lé. E ndi se Nube kété mari desêin sàk-sàk ɓita Nube unde nyange malang ɓai.

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.