Jean 6:45 - Nouveau Testament en Gulay 2004

⁴⁵ Njéribe-dè tàge ke tà Nube’t ndangi tà kêm Magtub’t le’n edi nè: «Nube kuwe á è njèndó dooge malang nyan.» Doo ke rara ke ur mbi’n oo’n tà le Bɔ’m a, inyei ra’n ade ndó’n nyan a tɔ ɓaa, doo nè nga à ree ram’t.

Jean 6:45 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Marc 1:2

Dé ndang kêm magtub’t le Esaie njèribe-dè-tà ke tà Nube’t d’ede nè: «An! m’ule njèkawkule le’m noin’t. E à gɔl rebe lei.

Tà ke Maje ke Luc ndang 1:70

E tam tà nè nga kété mari se go rebe ke ra njéribe-dè-tàge’t le’n ke tooi se ninn’n ede nè:

Tà ke Maje ke Luc ndang 18:31

Jésu ɓar njékuwe-girnge ke dɔg-gidé-joo rann’t ede de ede nè: – An-in! j’à j’awi ke kêm ɓee-bò ke Jérusalem. Nyan malang ke njéribe-dè-tàge ke tà Nube’t ndangi kêm magtubge’t ɔji dè’m man ke m’ee Ngonn doo nga aw loon’t deĵ.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:65

Jésu tam ede nè: – Gir’n ke nè á, ndɔ ke m’ede’n sei kété m’ede nè: Doo karé bè asekum kin se dè ra’n ree ram’t lé. Ke nè á doo karé ree ram’t ɓaa, è Bɔ’m kuwe inye rebe ade’n ree ram’t.

Nyanra Njekawkulege 13:40

Bè ɓaa, undei kumkunju dè ra si’t! Njéribe-dè-tàge ke tà Nube’t tami kété edi nè:

Nyanra Njekawkulege 7:42

Gir’n ke nè á Nube tur’n gide’n ade de, inye’n de ade dé ra ɓer le gugu kàde se nan a, se kɔnyonge a tɔ titeke dé ndang’n kêm magtub’t le njéribe-dè-tàge ke tà Nube’t d’ede nè: «Sei ngannkà Israel, nyankulge malang ke ndɔ ke i tujei kɔbe de kêm dile’t ase ɓal kɔr-sɔ nè nga ké i tujei kɔbe de adi man ke nyankuje-mese wa?

Nje Ke Ephese 1:17

Man m’ra titeke bè le kade Nube le Kuwe-ɓee le jéi Jésu-Krist, è Bɔ jéi ke ndubra è le’n ade sei kumkunju le Ndil. Titeke bè á kum si à gang’n dè Nube’t le kade i geri nin njai-njai.

Nje Ke Philippes 3:15

Jèi malang ke tàgir le jéi ɓisir ɓaa nga adi tàgir le jéi è karé. Ke nè á tàgir le njé ke nange dann si’t tò gai dè nyan karé’t ɓai géa, Nube à ribe dè ke nata kade sei ndɔ ke rang.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

Hebreuge 10:16

«An-in! mann-ra le’m ke m’a m’mann’n ra’m kade de kem̂ ndɔge ke à reei non. M’a m’ndang gute-nduge le’m dè ɓengre de’t a, m’a m’ule gute-nduge dann tàgirge’t le de a tɔ. Kuwe-ɓee Nube á tam tà nè titeke bè.»

1 Jean 2:27

Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.